Biełarusy dačakalisia sapraŭdnaha leta. Śpiakota čarhujecca z trapičnymi liŭniami. Što rabić, kali raptam adčuješ młosnaść i niečakany hałaŭny bol? Karysnyja parady, jak papiaredzić soniečny ŭdar, i što rabić, kali ŭbierahčysia nie atrymałasia.
Biełarusy dačakalisia sapraŭdnaha leta. Śpiakota čarhujecca z trapičnymi liŭniami. Što rabić, kali raptam adčuješ młosnaść i niečakany hałaŭny bol? Karysnyja parady, jak papiaredzić soniečny ŭdar, i što rabić, kali ŭbierahčysia nie atrymałasia.
Zachvorvańnie ŭźnikaje ŭ vyniku intensiŭnaha i praciahłaha ŭździejańnia pramych soniečnych promniaŭ na vobłaść hałavy. Čaściej za ŭsio ŭźnikaje padčas pracy ź niepakrytaj hałavoj na adkrytaj miascovaści, u časie znachodžańnia na plažy. Kab paźbiehnuć hetaj chvaroby treba prytrymlivacca prostych praviłaŭ: pa-pieršaje, paźbiahać praciahłaha znachodžańnia na soncy, asabliva ŭ časie najbolšaj soniečnaj aktyŭnaści – pamiž 10 hadzinami ranicy i 14 hadzinami dnia, pa-druhoje, na hałavie musić być kiepka, ci panama.
Symptomy, što ŭźnikajuć pry pierahrevie: mocny hałaŭny bol, hałavakružeńnie, młosnaść, vanity, słabaść. Pačyrvanieńnie skury, mocnaje potavydzialeńnie, časam nasavyja kryvacioki. Puls i dychańnie pačaščajucca, arteryjalny cisk panižajecca. U ciažkich vypadkach temperatura cieła padvyšajecca da 41°S, paciarpieły hublaje prytomnaść, źnižajecca sardečnaja dziejnaść, raźvivajucca sutarhi. Symptamatyka soniečnaha ŭdaru moža raźvicca jak padčas intensyŭnaha soniečnaha apramieńvańnia, tak i praz 6-8 hadzinaŭ paśla jaho.
Što rabić?
Paciarpiełaha nieabchodna pieranieści ŭ cień, albo pakłaści ŭ łožak. Pry hetym jon musić šmat pić. Dla taho, kab pavialičyć ciepłaaddaču, da hałavy prykładajuć chałodny kampres. Pry pavyšeńni temperatury nieabchodna ŭžyć haračkapanižalnyja srodki (naprykład, analhin, jaki zdymaje i hałaŭny bol). Abaviazkovyja spakoj i śviežaje pavietra ŭ chaładnavatym pamiaškańni, jakoje musić dobra pravietryvacca. Cieła chvoraha treba pracierci vilhotnym chałodnym ručnikom. U ciažkich vypadkach jaho abhortvajuć vilhotnaj praścinoj. U vypadku padzieńnia sardečnaj dziejnaści ŭžyvajuć admysłovyja medyčnyja srodki.
Da prybyćcia ŭrača treba praciahvać achałodžvalnyja pracedury albo samastojna špitalizavać paciarpiełaha ŭ terapeŭtyčnaje adździaleńnie. Transpartavać chvoraha nieabchodna tolki na nasiłkach ŭ lažačym stanoviščy.
SP
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali10
Kamientary