Siejm Polščy adchiliŭ zakonaprajekt ab uzmacnieńni strohaści pravił atrymańnia polskaha hramadzianstva
Polski Siejm nie padtrymaŭ inicyjatyvu partyi «Prava i spraviadlivaść», jakaja prapanoŭvała značna ŭskładnić praceduru vydačy pašpartoŭ zamiežnikam. Za adchileńnie dakumienta prahałasavali 240 deputataŭ, suprać — 200.
Zakonaprajekt praduhledžvaŭ pavieličeńnie minimalnaha terminu pražyvańnia ŭ krainie dla atrymańnia hramadzianstva. Pavodle zadumy aŭtaraŭ, zamiežnik musiŭ pražyć u Polščy 15 hadoŭ, ź jakich nie mienš za 10 — u statusie stałaha žychara. Pry hetym patrabavałasia b najaŭnaść stabilnaha dachodu na praciahu ŭsiaho hetaha času.
Akramia taho, prapanoŭvałasia ŭvieści novyja žorstkija kryteryi:
paćviardžeńnie viedańnia polskaj movy na vysokim uzroŭni C1;
abaviazkovyja dziaržaŭnyja testy pa historyi, kultury i palityčnaj sistemie Polščy;
dadatkovyja daviedki i stanoŭčaja vysnova palicyi.
Hałasavańniem zakonaprajekt byŭ adchileny, i praviły atrymańnia polskaha hramadzianstva pakul zastajucca raniejšymi.
Ciapier pa hetym pytańni pravodzicca padrychtoŭka ŭradavaha varyjantu reformy.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku19
Kamientary
V Hiermanii vsie sokraŝajut količiestvo nieobchodimych let, tiepieŕ vrodie dostatočno 5 (było 10). V Avstrii dostatočno 10, no dochod nužno imieť nie vsie vriemia, a liš poślednije 3 hoda