ZŠA, krainy ES i Brytanija źviarnulisia da ŭładaŭ Biełarusi z papiaredžańniem nakont vybaraŭ

Sumiesnaja zajava pradstaŭnictvaŭ ZŠA, Vialikabrytanii i Jeŭrapiejskaha sajuza ad imia pradstaŭlenych u Minsku krain-členaŭ ES nakont prezidenckich vybaraŭ u Biełarusi

My, siabry biełaruskaha naroda i prychilniki suvierenitetu i niezaležnaści Biełarusi, stanoŭča aceńvajem prahres, dasiahnuty ŭ našych adnosinach za apošnija niekalki hadoŭ. My nazirali šmat pazityŭnych padziej pamiž našymi krainami i Biełaruśsiu: padpisańnie pahadnieńniaŭ ab spraščeńni vizavaha režymu i readmisii ź ES i pavieličeńnie finansavaj padtrymki z boku ES u dva razy; rašeńnie pra adnaŭleńnie stasunkaŭ z ZŠA na ŭzroŭni pasłoŭ, vizit Dziaržsakratara ZŠA ŭ Minsk i pieršaja pastaŭka amierykanskaj nafty; aktyvizacyja palityčnaha dyjałohu ź ES i ź jaho dziaržavami-členami na dvuchbakovaj asnovie (u pryvatnaści, vizity na ŭzroŭni prezidentaŭ ci premjer-ministraŭ u krainy ES) abo ŭ ramkach Uschodniaha partniorstva; handlovy dyjałoh ź Vialikabrytanijaj; a taksama adkrytaść JEIB i JEBRR da pieramoŭ nakont pradstaŭleńnia kredytaŭ. My paćviardžajem našu hatoŭnaść praciahvać heta pazityŭnaje ŭzajemadziejańnie ź Biełaruśsiu na asnovie ahulnych kaštoŭnaściaŭ.

U suviazi z tym, što Biełaruś pačynaje praces abrańnia svajho prezidenta, my zaklikajem biełaruskija ŭłady pryniać miery, nieabchodnyja dla praviadzieńnia biaśpiečnych, mirnych, svabodnych i sumlennych vybaraŭ i zabieśpiačeńnia asnoŭnych svabodaŭ.

My raźličvajem, što Biełaruś u naležnyja terminy aficyjna zaprosić naziralnikaŭ ad BDIPČ/ABSIE, i nastojliva zaklikajem ułady Biełarusi prademanstravać na spravie svaju hatoŭnaść damahčysia prahresu ŭ vykanańni rekamiendacyj, jakija źmiaščajucca ŭ papiarednich spravazdačach ab nazirańni za vybarami, padrychtavanych BDIPČ/ABSIE.

Adznačajučy, u pryvatnaści, što praces rehistracyi kandydataŭ pavinien być sumlennym i prazrystym, my padkreślivajem, što nijakija palityčna matyvavanyja abmiežavalnyja miery nie pavinny pieraškadžać vykanańniu patencyjalnymi kandydatami pracedury rehistracyi.

Uličvajučy, što vybary prachodziać u kantekście kryzisu COVID-19, my nastojliva rekamiendujem biełaruskim uładam pryniać rekamiendacyi Suśvietnaj arhanizacyi achovy zdaroŭja pa fizičnym dystancyjanavańni, kab źvieści da minimumu pahrozu COVID-19 takim čynam, kab usie kandydaty mieli roŭnyja šancy na ahitacyju i infarmavańnie vybarščykaŭ pra toje, za što jany vystupajuć.

My taksama adznačajem, što farmiravańnie sapraŭdy pluralistyčnaha składu vybarčych kamisij źjaŭlajecca klučom da pavyšeńnia davieru da vybarčych orhanaŭ.

Svaboda ŚMI i prava na mirnyja schody źjaŭlajucca najvažniejšymi ŭmovami lehitymnaści vybaraŭ. Žurnalisty pavinny mieć mahčymaść svabodna i bieśpieraškodna aśviatlać padziei. Hramadzianam pavinna być pradastaŭlena mahčymaść mirna vykazvać svajo mierkavańnie. U suviazi z hetym my taksama zaniepakojenyja niadaŭnimi zatrymańniami mirnych demanstrantaŭ i aryštami žurnalistaŭ.

My nahadvajem, što najvažniejšym składnikam pry farmavańni našaj budučaj palityki ŭ dačynieńni da Biełarusi buduć zastavacca realnyja kroki, što prymajucca Biełaruśsiu dla zabieśpiačeńnia ŭsieahulnych asnoŭnych svabod, viaršenstva zakona i pravoŭ čałavieka. Biaśpiečnyja, mirnyja, svabodnyja i sumlennyja vybary, jakija nie padpali pad złamysny źniešni ŭpłyŭ i zabiaśpiečvajuć asnoŭnyja svabody, buduć spryjać demakratyčnamu raźvićciu Biełarusi, umacavańniu jaje suvierenitetu i niezaležnaści, prakładuć šlach da bolš ciesnaha supracoŭnictva z našymi krainami i ekanamičnaha roskvitu biełaruskaha naroda.

• 0
• 0
• 0
• 0
• 0
• 0
• 0
• 0