Babaryka: Nielha stralać u biazzbrojnych ludziej, nielha rasstrelvać ułasny narod
Patencyjny kandydat u prezidenty, bankir i miecenat Viktar Babaryka siońnia na sustrečy ź inicyjatyŭnaj hrupaj u Breście znoŭ zakranuŭ niadaŭnija zajavy Łukašenki. Jon znoŭ nie zhadaŭ proźvišča kiraŭnika krainy.
«Mała taho, što apošnim časam biełarusam raniej admaŭlali va ŭłasnaj dumcy, i palitołahi pastajanna kazali, što biełarusy vybar nikoli nie rabili, a Kreml ci Zachad. Ale apošnim časam my čujem, jak ludzi, naniatyja biełaruskim narodam na pasady kiravać krainaj, vykazvajucca pra hetu krainu nievierahodna niehatyŭna. «My zrabili hetu krainu», «My nikomu jaje nie addamo», «My budziem źniščać biełaruski narod».
«Heta strašna, — miarkuje Babaryka. — Ja b nikoli raniej nie pavieryŭ, što niechta takoje moža skazać. Heta vierch nieprystojnaści, kali heta kažuć ludzi i buduć addavać zahad druhim. Złačynny zahad… Nielha stralać u biazzbrojnych ludziej, nielha rasstrelvać ułasny narod. Kali ty kažaš, što «my addamo zahad», to, kali ty taki śmieły, zrabi sam. Ale nie rabi ź ludziej złačyncaŭ».
«Ja absalutna ŭpeŭnieny, nichto z razumnych ludziej — ni ŭ armii, ni ŭ siłavikoŭ — nie voźmie na dušu kroŭ ułasnaha naroda», — reziumavaŭ palityk.
Łukašenka: Zabylisia, jak Karymaŭ u Andyžanie zadušyŭ putč, rasstralaŭšy tysiačy čałaviek. Nu dyk my nahadajem!
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary