Paźniak: Na siońnia Babaryka patencyjna bolš škodny za Łukašenku
Eks-kandydat u prezidenty, lidar KCHP-BNF Zianon Paźniak napisaŭ pra heta ŭ fejsbuku.
Jon pierakanany, što za Babarykam stajać «russkij mir, Hazpram, Maskva i mankurty». A ideja z praviadzieńniem refierendumu, maŭlaŭ, patrebnaja, kab zachapić Biełaruś.
Paźniak razvažaje tak: kali Łukašenka sydzie, rašeńni refierendumu-1996 aŭtamatyčna buduć adkinutyja. Značycca, Kanstytucyja-1994 z adzinaj dziaržaŭnaj biełaruskaj movaj vierniecca sama pa sabie.
«Maskvie pieraškadžaje biełaruskaja dziaržaŭnaja mova ŭ Respublicy Biełaruś, zaćvierdžanaja Kanstytucyjaj-94, tamu jany chočuć pierarabić hetuju Kanstytucyju», — miarkuje eks-lidar BNF.
Paźniak śćviardžaje, što na «siońnia Babaryka jość patencyjna bolš škodny vorah biełaruskaj nacyi, čym Łukašenka, bo virus Łukašenki ŭžo na 97% vychavaŭ u biełarusaŭ imunitet, antycieły abarony narodnaha arhanizmu».
A Babaryka — heta novy virus, jaki nie spatykaje imunitetu i «davieršyć maskoŭskuju spravu razbureńnia biełaruskaj dziaržavy i biełaruskaj nacyi», praciahvaje jon.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT18
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary