Zatrymanym u Navahrudku ludziam dali štrafy. A sudzili čamuści ŭ Kareličach
Zatrymanych u Navahrudku jašče 21 červienia siońnia sudzili ŭ Kareličach. Na vyjezd byŭ skiravany staršynia Navahrudskaha rajonnaha sudu Vasil Alachnovič, paviedamlaje «Haradzienskaja viasna».
U vyniku, pavodle papiaredniaj infarmacyi, zatrymanyja, jakija praviali amal dvoje sutak u Karelickim izalatary časovaha ŭtrymańnia, byli asudžanyja da štrafaŭ:
Aleh Alaškievič —da 4 bazavych vieličyń štrafu (108 rubloŭ).
Andrej Akulinski —da 30 bazavych štrafu (810 rubloŭ).
Siarhiej Kazak — da 4 bazavych vieličyń štrafu (108 rubloŭ).
Dźmitryj Rubień — da 30 bazavych štrafu (810 rubloŭ), pavodle inšych źviestak, tolki da 2 bazavych štrafu (54 rubli).
Piačko Siarhiej — da 10 i 15 bazavych štrafu pa dvuch pratakołach (270 i 405 rubloŭ).
Alaksandr Kamisaraŭ — da 25 bazavych ahułam pa dvuch pratakołach (405 rubloŭ).
Pavodle papiaredniaj infarmacyi, usich asudžanych užo adpuścili.
Akramia hetaha ŭčora ŭ Navahrudku prosta z pracy milicyjanty zabrali Viktoryju Žuk. Jaje doŭha trymali ŭ pastarunku, i nieviadoma, ci ŭžo adpuścili. A miž tym, u Žuk muž-invalid i małoje dzicia doma. Milicyjanty sprabavali zatrymać jašče paru maładych ludziej, jakija 21 červienia byli ŭ centry Navahrudka, prosta stajaŭšy ŭ łancuhu.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj80
Kamientary