Frunzienski rajon Minska — samy vialiki ŭ krainie. Na jaho terytoryi pražyvaje 236 tysiač vybarcaŭ (nie žycharoŭ). 29 červienia terytaryjalnaja kamisija Frunzienskaha rajona zabrakavała podpisy, jakija tut byli sabranyja ŭ padtrymku alternatyŭnych kandydataŭ Viktara Babaryki i Valeryja Capkały.
«Usio prachodziła vielmi prosta i chutka, na praciahu 20 chvilin, — raskazvaje naziralnik ad Partyi BNF Juryj Čavusaŭ. — Staršynia kamisii ahučvaŭ ličby sapraŭdnaści ci niesapraŭdnaści podpisaŭ. Pa ekśpiertyzu źviartalisia ŭ dziaržaŭny Kamitet sudovych ekśpiertyz. A členy terytaryjalnaj kamisii hałasavali pa prapanavanych varyjantach. I ŭ vypadku Capkały, i ŭ vypadku Babaryki niesapraŭdnymi byli pryznanyja 16% podpisaŭ, što dało padstavu pryznać niesapraŭdnymi ŭsie».
Viktar Babaryka ŭ Frunzienskim rajonie zdaŭ 47 190 podpisaŭ, Valeryj Capkała — 17 853. «Vychodzić, što 20% vybarcaŭ Frunzienskaha rajona zastanucca biez svajho kandydata», — kaža Čavusaŭ.
Podpisy ŭ padtrymku vyłučeńnia Alaksandra Łukašenki, Hanny Kanapackaj, Andreja Dźmitryjeva i Śviatłany Cichanoŭskaj pryznanyja sapraŭdnymi.
Dapoŭniena: U Maskoŭskaj vybarčaj kamisii 30341 podpis za Babaryku pryznany niesapraŭdnym. Za Łukašenku padadzieny 40 102, ź ich niesapraŭdnyja 70. U Dźmitryjeva pryznanyja sapraŭdnymi 6864 podpisy, Kanapackaj — 3346, Cichanoŭskaj — 3384, Capkały — 7778, Čeračnia — 22615.
Raniej u hety samy dzień niesapraŭdnymi podpisy ŭ padtrymku Babaryki i Capkały byli pryznanyja ŭ rajonach Homiela i Viciebska, Žłobinie, Śvietłahorsku i inšych haradach.
Apytanka
Čytajcie taksama: U rehijonach masava brakujuć podpisy Babaryki i Capkały
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro9
Kamientary