Halivudski akcior Ełajdža Vud vystupiŭ u padtrymku Viktara Babaryki. Ale jość niuans
Halivudski akcior Ełajdža Vud, najbolš viadomy pa roli Froda Behinsa ŭ tryłohii «Uładar piarścionkaŭ», vykazaŭsia ŭ padtrymku siamji Babaryki. Jon zapisaŭ zvarot, u jakim padbadzioryŭ zatrymanych Viktara i Eduarda. Videa akcior zapisaŭ dziakujučy servisu Cameo, dzie za peŭnuju płatu možna paprasić mnohich znakamitaściaŭ dasłać padobnaje videapryvitańnie.
Rolik dastupny na sajcie cameo.com u profili pad nikam Elijah Wood.
— Viktar i Eduard Babaryki, pryvitańnie! Heta Ełajdža Vud. Vašy siabry ź Biełarusi paprasili zapisać vam hetaje paviedamleńnie, jakoje padbadziorvaje. Ja tolki što pračytaŭ pra vašuju situacyju, i heta žudasna. Ja spadziajusia, što ŭsio dobra, vy i vaš syn zastajaciesia mocnymi i budziecie vyzvalenyja. Jość vydatnaja cytata z «Uładara piarścionkaŭ», heta słovy Sema Hemdžy: «U śviecie jość niešta dobraje, mister Froda, i za heta varta zmahacca». I heta praŭda, takaja situacyja ciapier va ŭsim śviecie. Spadziajusia, majo paviedamleńnie dojdzie da vas u dobrym zdaroŭi i ŭsio budzie dobra. Bieražycie siabie», — skazaŭ Vud.
Videa było zapisana praz servis Cameo. Heta płatforma, dzie luby čałaviek moža zapłacić znakamitaściam za asabistaje videapaviedamleńnie. Akciory, śpievaki, komiki, błohiery ŭstaloŭvajuć roznyja rascenki za videa. Heta moža być i 20 dalaraŭ, i 200, i navat niekalki tysiač. Zakazčyki apisvajuć, što znakamitaść pavinna skazać ci dla kaho pryznačana paviedamleńnie. Paviedamleńnie ad Ełajdža Vud kaštuje 225 dalaraŭ.
Raniej Viktar Babaryka kazaŭ, što kniha Tołkina i film «Uładar piarścionkaŭ» — adny ź jaho lubimych.
Kamientary