Na sajcie hienprakuratury źjaviłasia infarmacyja pra toje, što apošnim časam u internecie, u tym liku telehram-kanałach, raspaŭsiudžvajucca ananimnyja zakliki da ŭdziełu 3 žniŭnia 2020 hoda ŭ «probnaj ahulnanacyjanalnaj zabastoŭcy» praciahłaściu 2,5 hadziny dla vyražeńnia patrabavańniaŭ ab vyzvaleńni palitźniavolenych, a taksama spraviadlivaści vybarčaha pracesu. Nasamreč pra takija zakliki ničoha nie viadoma.
Pavodle Hienprakuratury karystalnikam «u biezapielacyjnaj formie davodzicca zahadzia łžyvaja, skažonaja infarmacyja adnosna svabody i biespakaranaści padobnych dziejańniaŭ».
U viedamstvie zapeŭnivajuć, što adsutnaść rabotnika na pracy biez pavažnaj pryčyny moža pryvieści da dyscyplinarnaj adkaznaści.
Razam z tym u Hienprakuratury nahadali, što rabotniki majuć prava na strajk. Adnak rašeńnie ab praviadzieńni zabastoŭki pavinna być pryniata z zachavańniem ustanoŭlenaj Pracoŭnym kodeksam pracedury na schodzie ci kanfierencyi rabotnikaŭ pradpryjemstva (arhanizacyi). Ab strajku pradstaŭničy orhan rabotnikaŭ abaviazany paviedamić najmalnika ŭ piśmovaj formie nie paźniej za dva tydni da jaho pačatku.
Viedamstva zaklikaje biełarusaŭ uzvažana i kanstruktyŭna padychodzić da realizacyi prava na svabodnaje vykazvańnie mierkavańnia, «nie paddavacca biezadkaznym zaklikam i ananimnaj pravakacyi, a taksama ŭčynkam, zdolnym nanieści škodu pracoŭnym pravam i intaresam hramadzian».
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary