Ksiondz Uładzisłaŭ Zavalniuk admoviŭsia ad pilihrymki vakoł Biełarusi na monakole
Pra heta havorycca na jaho staroncy ŭ fejsbuku.
«Pa niezaležnych ad mianie pryčynach, na žal, pałomnictva takoha vidu nie adbudziecca. Adnak, na praciahu ŭsich hetych dzion budzie słužycca Śviataja Imša ab zbavieńni Biełarusi ad epidemii karanavirusa», havorycca ŭ paviedamleńni.
Nahadajem, što probašč Čyrvonaha kaścioła, 71-hadovy Uładzisłaŭ Zavalniuk 29 červienia — 2 lipienia ździejśniŭ pilihrymku na monakole ź Minska ŭ Budsłaŭ dla ŭdziełu ŭ štohadovym feście, jaki prajšoŭ u značna ŭrezanym farmacie praz karanavirus.
Paźniej było zajaŭlena, što jon zrobić pilihrymku na monakole pa pierymietry Biełarusi «ŭ metach abarony krainy ad karanavirusa».
Ale ŭčora kiraŭnik Katalickaha kaścioła Biełarusi, arcybiskup Tadevuš Kandrusievič rezka asudziŭ inicyjatyvu ks. Zavalniuka, zajaviŭšy, što Kaścioł niamała robić dla praduchileńnia niebiaśpieki zaražeńnia karanavirusam, a błasłaŭleńnia na pilihrymku nichto nie davaŭ.
«Pilihrymka, jakuju arhanizavaŭ ks. kanonik Uładzisłaŭ Zavalniuk, nosić pryvatny charaktar i ažyćciaŭlajecca ŭ miežach naležnaha kožnamu śviataru štohadovaha adpačynku», — kazałasia ŭ zajavie Tadevuša Kandrusieviča.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary