Kiraŭnik Čačenii Ramzan Kadyraŭ zapatrabavaŭ ad prezydenta Ŭkrainy Uładzimira Zialenskaha «paćvierdzić vybačeńni» za rolik, apublikavany ŭ 2014 hodzie va ŭkrainskim humarystyčnym šoŭ «Kvartał 95», jakim tady kiravaŭ Zialenski, piša radyjo «Svaboda».
Zaklik apublikavany ŭ akaŭntach kiraŭnika Čačenii ŭ sacsietkach. Kadyraŭ adznačaje, što raniej Zialenski, «pryznaŭšy svaju vinu, mieŭ honar paprasić prabačeńnia», adnak, atrymaŭšy paŭnamoctvy prezydenta Ukrainy, pačaŭ «sprabavać pakazać ź siabie niešta, vykručvacca, vilać, sprabavać uzvysić siabie» i «kožny raz prydumlać novyja versii vybačeńniaŭ».
Kadyraŭ spasłaŭsia na intervju Zialenskaha ŭkrainskamu žurnalistu Dźmitryju Hardonu, apublikavanaje jašče ŭ kancy 2018 hoda. Čamu kiraŭnik Čačenii mienavita ciapier zahavaryŭ pra jaho, niezrazumieła.
Kadyraŭ piša, što, kali Zialenski nie paćvierdzić svaje vybačeńni, jamu «daviadziecca adkazać» pierad im «nia jak pierad kiraŭnikom respubliki, a jak pierad synam pieršaha prezydenta Čačenskaj Respubliki, Hieroja Rasiei Achmata-Chadžy Kadyrava». Kadyraŭ taksama zaklikaŭ Zialenskaha «vybudavać dobrasusiedzkija adnosiny» z Rasiejaj.
Rolik, jaki Kadyraŭ paličyŭ abraźlivym, byŭ apublikavany ŭ adnym ź videa «Kvartała 95» jašče ŭ 2014 hodzie. U im na kadry kiraŭnika Čačenii, jaki płača, nakłali aŭdyjozapis skarhaŭ pažyłoha ŭkrainca na znos pomnika Leninu.
Zialenski paśla publikacyi rolika paprasiŭ prabačeńnia «pierad musulmanskim śvietam». U interviju Hardonu, pra jaki piša Kadyraŭ, prezydent Ukrainy skazaŭ, što nia mieŭ dačynieńnia da vytvorčaści rolika, ale vyrašyŭ paprasić prabačeńnia za jaho aŭtaraŭ paśla taho, jak jamu «patelefanavali» i skazali, što rolik moža być kryŭdnym dla «musulmanskaha śvietu». Apanenty prezydenta Ŭkrainy ŭ čas pieradvybarčaj kampanii nahadvali pra epizod z vybačeńniami, krytykujučy za ich Zialenskaha.
Novyja patrabavańni kiraŭnika Čačenii prezydent Ukrainy pakul nie kamentavaŭ.
Žychary Čačenii, jakija krytykavali ŭłady respubliki, niaredka publična prosiać prabačeńnia pierad Ramzanam Kadravym, ich pakazvajuć u efiry respublikanskaha telebačańnia.
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki26
Kamientary