Kiraŭnik Nacbanka Pavieł Kałaŭr zajaviŭ, što biełaruski i rasijski baki asensoŭvajuć, jak dalej dziejničać u situacyi ź Biełhazprambankam. Siužet pakazali ŭ viačernim efiry telekanała ANT, piša Tut.by
— Paśla peŭnych dyskusij z ułaśnikam my mahli b razam vyznačycca z dalejšym losam banka, — tak kiraŭnik Nacbanka adkazaŭ na pytańnie žurnalistki ab tym, jakija pierśpiektyvy Biełhazprambanka ŭ Biełarusi paśla ŭsiaho taho, što zdaryłasia.
Kałaŭr raspavioŭ pra najbolš adčuvalnuju reakcyju rasijskaha boku.
- Najbolš adčuvalnaja była reakcyja na toje pieršaje rašeńnie, kali my prapanavali razam z ułaśnikam aktualizavać skład praŭleńnia. Heta rašeńnie praisnavała niekalki dzien, my jaho admianili. Uviadzieńnie časovaj administracyi — heta jak vymušanaja miera. Zaraz baki asensoŭvajuć, jak dalej dziejničać u dadzienaj situacyi, my čakajem ad rasijskaha boku prapanoŭ pa aktualizacyi praŭleńnia, — zajaviŭ jon.
Nahadajem, zatrymańni ŭ Biełhazprambanku pačalisia 11 červienia. Z tych časoŭ u SIZA KDB znachodziacca niekatoryja byłyja i ciapierašnija top-mieniedžary Biełhazprambanka, a taksama pradstaŭniki kamiercyjnych struktur, jakija ciesna supracoŭničali z bankam. Ich abvinavačvajuć u admyvańni hrošaj, uchileńni ad vypłaty padatkaŭ, machlarstvie, dačy i atrymańni chabaraŭ.
Amal 20 hadoŭ Biełhazprambankam kiravaŭ Viktar Babaryka, pakul nie abviaściŭ u mai ab svaich prezidenckich ambicyjach. U červieni jaho zatrymali pa abvinavačvańni ŭ arhanizacyi supraćpraŭnaj dziejnaści.
15 červienia Nacyjanalny bank uvioŭ časovuju administracyju pa kiravańni Biełhazprambankam. Jaje kiraŭnikom stała Nadzieja Jermakova, jakaja da 2014 hoda kiravała Biełarusbankam i Nacbankam.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary