Na stadyjonie «Junactva» ŭ Stoŭbcach 3 žniŭnia a 18 hadzinie pavinien byŭ pačacca mitynh u padtrymku kandydata ŭ prezidenty Śviatłany Cichanoŭskaj. Samoj jaje na sustrečy nie płanavałasia, ale pavinny byli prysutničać davieranyja asoby.
«Napiaredadni sustrečy na stadyjon padahnali techniku, a taksama burna imitujuć ramontnyja raboty, — raskazaŭ «NN» Mikałaj Łysionkaŭ, kiraŭnik štaba Siarhieja Čeračnia, a taksama žychar Stoŭbcaŭ. — Nalili niejkaj vady, kažuć, što siońnia ŭžo ničoha nie zrobiać, a tolki zaŭtra. Robicca, kab pieraškodzić u praviadzieńni sustrečy z davieranymi asobami Cichanoŭskaj».
Admietna, što la stadyjona «Junactva» padčas ramontnych rabot prysutničaŭ asabista načalnik ideałahičnaj raboty rajvykankama Dźmitryj Ślesarčyk. Navošta hałoŭnamu ideołahu rajona kantralavać hety praces, niezrazumieła.
U vyniku mitynh uvohule admianili. Arhanizatary sustrečy prasili načalstva adkryć druhi ŭvachod na stadyjon, ale tyja admovilisia i ŭvohule zrabili vyhlad, što inšych dźviarej niama. Praź niejki čas asnoŭnyja varoty ŭvohule zamknuli na zamok, skazali, što avaryjnaja situacyja. U štab Cichanoŭskaj dakłali, što praviadzieńnie mitynhu niemahčymaje.
Ciapier čytajuć
Jak skłałasia ŭ emihracyi žyćcio 22‑hadovaj «terarystki» Danuty Pieradni, jakuju vyzvalili pa pamiłavańni2
Kamientary