Čempijonka śvietu Nadzieja Astapčuk raskazała, kali kančatkova rasčaravałasia ŭ Łukašenku
Čempijonka śvietu i Jeŭropy pa lohkaj atletycy Nadzieja Astapčuk raspaviała ŭ čarhovym vypusku YouTube-kanała «Žyćcio-malina», čamu 10 hadoŭ tamu admoviłasia zdymacca ŭ ahitacyjnym roliku ŭ padtrymku Alaksandra Łukašenki.
— U 2010 hodzie mnie patelefanavali z Administracyi prezidenta i prapanavali źniacca ŭ roliku ŭ padtrymku Łukašenki. Ja skazała, što płanuju hałasavać za inšaha kandydata. Budzie niepryhoža, kali ja addam hołas adnamu, a ŭ roliku padtrymaju inšaha. Mnie było b niajomka pierad saboj. Ja admoviłasia.
— Byli nastupstvy?
— Pierastali zaprašać na roznyja mierapryjemstvy, ale ja z hetaj nahody nie mocna pieražyvała.
Astapčuk taksama zajaviła, što nikoli nie padtrymlivała dziejnaha prezidenta, a kančatkova rasčaravałasia ŭ im paśla refierendumu 2004 hoda, u vyniku jakoha Alaksandr Łukašenka atrymaŭ prava abiracca nieabmiežavanuju kolkaść razoŭ.
Na vybarach hetaha hoda Nadzieja maje namier hałasavać za Śviatłanu Cichanoŭskuju.
Ciapier čytajuć
Jak u halečy śpivałasia radnia Łukašenki? Małaviadomyja fakty49
Kamientary