Aryštavanamu za palityku traktarystu z-pad Chojnikaŭ za adzin viečar ludzi pieraličyli bolš za 2000 rubloŭ
Tut.by
3 žniŭnia sud Chojnickaha rajona pakaraŭ 10-dzionnym aryštam traktarysta Jaŭhiena Vasilkova. Jon viadzie błoh pra žyćcio ŭ vioscy. Papularnaść zdabyŭ svaimi razvažańniami pra vybary. Biełarusy aktyŭna adhuknulisia na zaklik dapamahčy siamji traktarysta, piša Radyjo Svaboda.
«Tak, z rukami ŭ mazucie, i zabrali — za toje, što praŭdu kazaŭ!» U Chojnikach traktarystu-błohieru Jaŭhienu Vasilkovu dali 10 sutak
U Jaŭhiena z žonkaj Taćcianaj čaćviora dziaciej, dvoje darosłych i dvoje niepaŭnaletnich. «Učora pozna viečaram mnie pačali pastupać hrošy na kartku ad nieznajomych ludziej. Na ŭčarašni viečar užo było bolš za 2 tysiačy. Heta takija vialikija hrošy! Ja bajusia, choć by ŭłada, padatkovaja nie pryčapilisia da mianie za ich, kab nie było prablem. Nam stolki i nie treba, ja ŭžo prasiła, kab prybrali maju kartku ź internetu, ale ludzi telefanujuć mnie i prapanujuć, kab nie zdymała kartku», — raspaviała Svabodzie Taćciana Vasilkova.
Pavodle Taćciany, jana ŭpieršyniu sutyknułasia z takoj situacyjaj. «Ludzi mnie telefanujuć, prapanujuć roznuju dapamohu, aburajucca, kali ja admaŭlajusia. Kažuć: «Nu nie chočaš hrošy, to davaj my dzieciam što pryviaziom, davaj ich u Makdonalds zvozim?». Ja takoha nie čakała! Vialiki dziakuj usim ludziam, mnie i pryjemna, i niejak strašna praz hetyja hrošy», — dadała žonka traktarysta.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary