Rasija nie budzie nakiroŭvać svaich naziralnikaŭ na prezidenckija vybary ŭ Biełaruś
Centrvybarkam Rasii nie atrymlivaŭ aficyjnaha zaprašeńnia ad biełaruskich kaleh dla ŭdziełu ŭ nazirańni za vybarami prezidenta Biełarusi i pryniaŭ rašeńnie nie nakiroŭvać tudy svaich naziralnikaŭ, kab nie stavić pad pahrozu ich zdaroŭje i asabistuju biaśpieku z-za pahrozy zaražeńnia karanavirusnaj infiekcyjaj, paviedamiła TASS u aŭtorak staršynia kamisii Eła Pamfiłava.
Pavodle jaje słoŭ, rasijskija naziralniki, jakija zvyčajna ŭvachodziać u skład misii Biuro pa demakratyčnych instytutach i pravach čałavieka (BDIPČ) ABSIE, «sioleta taksama nie majuć mahčymaści prybyć u Biełarusi ŭ suviazi z tym, što BDIPČ atrymała adpaviednaje aficyjnaje zaprašeńnie biełaruskaha boku ź vialikim spaźnieńniem».
«Razam z tym, CVK RF nie ličyć mahčymym nakiravać u Biełaruś svaich pradstaŭnikoŭ i ŭ składzie naziralnaj misii SND, bieručy pad uvahu, miakka kažučy, vielmi śpiecyfičnaje staŭleńnie kiraŭnictva Biełarusi da karanavirusnaj pandemii», — dadała Pamfiłava.
«Ja, jak kiraŭnik Centralnaj vybarčaj kamisii Rasii, nie maju prava stavić pad pahrozu zdaroŭje i asabistuju biaśpieku svaich kalehaŭ», — skazała na zakančeńnie kiraŭnica CVK Rasii.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary