U suviazi z tym, što pravaabaroncam stała viadoma, što zatrymany palittechnołah Vital Šklaraŭ abvinavačvajecca pa č. 1 i art. 342 KK (Arhanizacyja ci aktyŭny ŭdzieł u hrupavych dziejańniach, jakija hruba parušajuć hramadski paradak), pravaabarončaja supolnaść Biełarusi zajaŭlaje ab pryznańni jaho palityčnym źniavolenym, havorycca ŭ zajavie pravaabaroncaŭ.
Zhodna z pradjaŭlenymi abvinavačvańniami Vital Šklaraŭ abvinavačvajecca ŭ arhanizacyi i padrychtoŭcy hrupavych dziejańniaŭ, jakija hruba parušali hramadski paradak pry praviadzieńni pikieta pa zbory podpisaŭ inicyjatyŭnaj hrupaj pa vyłučeńni ŭ jakaści kandydata ŭ Prezidenty Śviatłany Cichanoŭskaj 29 maja 2020 h. u h. Hrodna, i takim čynam jon źjaŭlajecca čarhovym fihurantam tak zvanaj «spravy Cichanoŭskaha».
Pry pryniaćci hetaha rašeńnia pravaabaroncy kiravalisia raniej pryniatymi zajavami biełaruskaj pravaabarončaj supolnaści ad 1, 9 i 11 červienia 2020 hoda ab pryznańni palitźniavolenymi fihurantaŭ «spravy Cichanoŭskaha».
Na padstavie hetaha biełaruskija pravaabaroncy patrabujuć ad biełaruskich uładaŭ nieadkładnaha vyzvaleńnia Vitala Šklarava i spynieńnia raspačataha ŭ dačynieńni da jaho kryminalnaha pieraśledu.
Palityčny technołah Vital Šklaraŭ źjaŭlajecca ŭradžencam Homiela, žyvie ŭ ZŠA. Jon pryjechaŭ u Homiel da baćkoŭ i byŭ zatrymany 29 lipienia, a paśla źmieščany ŭ SIZA № 1 na vulicy Vaładarskaha ŭ Minsku.
Takim čynam u Biełarusi ŭžo 26 palitviaźniaŭ.
Ciapier čytajuć
Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj37
Kamientary