Minadukacyi apublikavała pamiatku, pa kolki kletak treba adstupać u školnych sšytkach
Ministerstva adukacyi Biełarusi apublikavała ŭ svaim telehram-kanale pamiatku pa afarmleńni sšytkaŭ u škołach. Heta aficyjnyja rekamiendacyi dla nastaŭnikaŭ i vučniaŭ.
Pamiatka ŭklučaje praviły dla sšytkaŭ u kletku i ŭ liniejku, pakazvaje, jak pravilna stavić daty, zahałoŭki i vodstupy. Da ŭsiaho hetaha pryvodziacca kankretnyja prykłady.
U sšytkach u liniejku datu i słovy «Kłasnaja rabota» treba pisać pasiaredzinie radka. U sšytkach u kletku datu treba pačynać z vodstupam u 10 kletak ad levaha kraju, a «Kłasnaja rabota» — z vodstupam u 6 kletak.
Pamiiž pačatkam roznych rabot rekamiendujecca pakidać vodstup u 4 kletki abo dźvie pracoŭnyja linii.
Ministerstva adukacyi zaklikała baćkoŭ i nastaŭnikaŭ spampavać pamiatku i dapamahać dzieciam farmiravać dobryja vučebnyja zvyčki.
Kamientary
Voś zaŭtra złomicca internet, i nichto ničoha nia zmoža.
A našy hałavaściki, kletka za kletkaju, zmohuć praciahvać dziejańni bieź pierapynku.