Biełaruś nie ŭvajšła ŭ abnoŭleny śpis krain, ź jakich možna ŭjazdžać u ES
Rada ES abviaściła ŭ piatnicu ab čarhovym pierahladzie śpisu trecich krain, ź jakich možna pryjazdžać u Jeŭrasajuz padčas epidemii karanavirusa, Biełaruś u jaho nie ŭvajšła, vynikaje z aficyjnaj publikacyi na sajcie ES, piša Interfaks.
Śpis pierahledžany ŭ bok skaračeńnia. Ciapier u im zastalisia 11 krain. Na hety raz z epidemijałahična biaśpiečnych, pa acency ES, dziaržaŭ vyklučana Maroka. U abnoŭleny śpis uvachodziać: Aŭstralija, Hruzija, Kanada, Novaja Ziełandyja, Ruanda, Tajłand, Tunis, Uruhvaj, Paŭdniovaja Kareja, Japonija, a taksama Kitaj (pry ŭmovie ŭzajemnaści źniaćcia abmiežavańniaŭ).
Hety śpis nie źjaŭlajecca jurydyčna abaviazkovym. Jon moža abnaŭlacca RadajS ES u zaležnaści ad abstavin paśla kansultacyj ź Jeŭrapiejskaj kamisijaj i adpaviednymi ŭstanovami i słužbami ES u vyniku ahulnaj acenki, zasnavanaj na ŭzhodnienych kryterach, tłumačać u Brusieli.
Hety rekamiendacyjny śpis dziejničaje z 8 žniŭnia.
Kamientary