Premjer Litvy pahavaryŭ ź Cichanoŭskaj: «Ja sustreŭsia z nacyjanalnym lidaram Biełarusi»
Premjer-ministr Litvy Saŭlus Skviarnialis u čaćvier ranicaj sustreŭsia sa Śviatłanaj Cichanoŭskaj, piša Delfi.lt.
Hetuju infarmacyju paćvierdziŭ Delfi pres-sakratar premjera Tomas Biaržynskas. Jon skazaŭ, što Cichanoŭskaja źviarnułasia ŭ Nacyjanalny centr hramadskaj achovy zdaroŭja i pakazała admoŭny vynik testu na COVID-19, tamu atrymała dazvoł pakinuć miesca izalacyi.
Sam Skviarnialis raspavioŭ, što abmierkavaŭ ź Cichanoŭskaj usio, što joj udałosia pieražyć.
«Ja sustreŭsia z nacyjanalnym lidaram Biełarusi Śviatłanaj Cichanoŭskaj. My razmaŭlali ab vyprabavańniach, jakija vypali na jaje dolu padčas pieradvybarčaj kampanii, ab vialikaj adkaznaści, jakuju jana na siabie ŭziała. A taksama — ab paŭsiadzionnych kłopatach i patrebach, ź jakimi jana sutykajecca ŭ Litvie, pytańniach jaje asabistaj biaśpieki i biaśpieki jaje siamji», — napisaŭ Skviarnialis.
«Naša kraina zaŭsiody padtrymlivała biełaruski narod u jaho imknieńni da svabody i demakratyi. My bačym abudžeńnie naroda, padtrymlivajem jaho. Daroha da svabodnaha hramadstva nie budzie prostaj, jana patrabuje vialikaj vytrymki. Ja vieru, što biełarusaŭ jaje dastatkova», — vykazaŭ nadzieju premjer Litvy.
«Ja zapeŭniŭ Śviatłanu, što ŭrad razam z partniorami ŭ Polščy, Łatvii i Estonii robić i zrobić usio, kab ažyćciavić imknieńnie da svabodnych i sumlennych vybaraŭ u Biełarusi, i kab jaje dzieci mahli jak maha chutčej abniać svajho baćku na voli», — skazaŭ Skviarnialis.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam3
Kamientary