Ministra zdaroŭja Uładzimira Karanika pryznačyli hubiernataram Hrodzienščyny
Alaksandr Łukašenka pryznačyŭ Uładzimira Karanika, jaki da hetaha času kiravaŭ Ministerstvam achovy zdaroŭja, na pasadu hubiernatara Hrodzienskaj vobłaści. Kandydaturu jon prapanavaŭ u časie sustrečy ŭ Hrodna z deputatami abłasnoha savieta.
«Dla mianie heta vialikaja strata. Tamu što heta hierojski čałaviek u časy karanavirusu. Kali b nie jon, nam było b vielmi ciažka. Heta byŭ pieršy pamočnik prezidenta pa ŭsich pytańniach, pieršy hienierał, jaki vykonvaŭ maje ŭkazańni. I my pravilna pastupili», — skazaŭ Łukašenka.
Raniej pasadu zajmaŭ Uładzimir Kraŭcoŭ.
Uładzimir Karanik naradziŭsia ŭ 1973 hodzie ŭ Hrodnie. U 1996 hodzie skončyŭ Hrodzienski dziaržaŭny miedycynski instytut.
Z 1996 pa 2011 hod pracavaŭ na roznych pasadach u Respublikanskim navukova-praktyčnym centry ankałohii i miedycynskaj radyjałohii imia Alaksandrava. Byŭ lekaram-stažoram, małodšym navukovym supracoŭnikam, navukovym supracoŭnikam adździaleńnia tarakalnaj ankapatałohii, zahadčykam adździaleńnia tarakalnaj chirurhii RNPC.
Z 2011 hoda da pryznačeńnia ministram achovy zdaroŭja ŭ 2019-m zajmaŭ pasadu hałoŭnaha doktara Minskaha haradskoha kliničnaha ankałahičnaha dyspansiera.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary