Minzdaroŭja zvolniła dyrektara RNPC «Kardyjałohija» Alaksandra Mročaka. Raniej daktary centra vychodzili na pikiety
Viadomy biełaruski kardyjołah, navukoviec Alaksandr Mročak bolš nie dyrektar RNPC «Kardyjałohija». Jaho zvolnili pa inicyjatyvie najmalnika — Ministerstva achovy zdaroŭja, piša Tut.by.
Ź siońniašniaha dnia Alaksandr Hienadźjevič bolš nie dyrektar RNPC.
«U zahadzie napisana — pa inicyjatyvie najmalnika (najmalnik u dadzienym vypadku Ministerstva achovy zdaroŭja, — raspavioŭ Alaksandr Mročak Tut.by. — Skazali dziakuj, što ŭsio vielmi dobra, ale da nas pavyšanyja patrabavańni, nahruzka značna ŭzraście i «ja chaču mieć svajho čałavieka». I voś na hetym, tak skazać, usio».
— A vy sami asabista z čym źviazvajecie zvalnieńnie?
— Ja dumaju, što jość nieabchodnaść kahości pracaŭładkavać.
— Vy ž z ranicy byli na pracy, jak vašy kalehi heta ŭsio ŭspryniali?
— Kalehi nie vielmi dobra heta pryniali, siońnia z ranicy ja byŭ na pracy taksama, jany ŭsio razam pryjšli. Ciapier pryjedzie v.a. ministra (Dźmitryj Pinievič) tłumačyć situacyju kalektyvu.
Chto budzie kiravać centram zamiest Mročaka, jon sam pakul nie viedaje. V.a. budzie Marharyta Bielskaja, zaraz jana namieśnik dyrektara pa navukovaj pracy.
Alaksandr Mročak — viadomy biełaruski kardyjołah, jaho ceniać kalehi nie tolki ŭ našaj krainie, ale i za miažoj. RNPC «Kardyjałohija» jon kiravaŭ z 2008 hoda. Zasłužany dziejač navuki, akademik Nacyjanalnaj akademii navuk Biełarusi, doktar miedycynskich navuk, prafiesar. Uznaharodžany miedalom Francyska Skaryny.
Kamientary