Na płoščy Niezaležnaści zatrymlivali ludziej, jakija śpiavali «Kupalinku» FOTY, VIDEA
U Minsku kala Čyrvonaha kaścioła mitynhoŭcy pačali vybudoŭvacca ŭ łancuh salidarnaści. Da ich padyšli milicyjaniery i zaklikali razyścisia. Znoŭ nie abyšłosia biez zatrymańniaŭ mužčyn.
U łancuhu salidarnaści na płoščy Niezaležnaści bolš za sotniu ludziej. Milicyjanty chodziać uzdoŭž łancuha, papiaredžvajuć:
— Mierapryjemstva nie sankcyjanavanaje.
— A źbićcio ludziej było sankcyjanavanaje? — pytajuć pratestoŭcy.
— Vy možacie być pryciahnutyja da administratyŭnaj adkaznaści… — čujecca ŭ adkaz.
Paźniej źjavilisia cichary i aŭtazaki z aficyjnaj simvolikaj.
Paśla taho, jak amapaŭcy vyjšli na płošču, žančyny stali ŭ «sčepku».
Siłaviki akružyli ludziej i adahnali pradstaŭnikoŭ presy ad epicentra padziej.
Z kałonak danosicca: «Nie pravakujcie na aktyŭnyja dziejańni, nie prymušajcie prymianiać fizičnuju siłu i śpiecsrodki».
Dziaŭčyny ŭ łancuzie śpiavajuć «Kupalinku». Siłaviki ad ich nie adychodziać.
Siłaviki ŭziali prysutnych u koła, a dziaŭčaty śpiavajuć usio hučniej.
Niekatoryja žančyny «vychoŭvajuć» amapaŭcaŭ: «Dumaješ, mnie płaciać kab ja tut stajała? Heta tabie płaciać, kab ty tut stajaŭ. Pahladzi mnie ŭ vočy i skažy, što Łukašenka vyjhraŭ vybary!»
Paźniej žančyny syšli z płoščy i pajšli pa praśpiekcie ŭ bok «Kastryčnickaj».
Na płoščy Niezaležnaści zatrymali niekalki žurnalistaŭ. Siarod ich siabra BAŽ Illa Kuźniacoŭ.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary