Źjaviłasia VIDEA, jak pamiežniki pravodzili nadhlad mašyny pasła Ukrainy
Dziaržpamiežkamitet apublikavaŭ videa nadhladu aŭtamabila ambasadara Ukrainy Ihara Kizimy paśla pierasiačeńnia ŭkrainska-biełaruskaj miažy.
Zhodna ź Vienskaj kanviencyjaj ab dypłamatyčnych znosinach, asabisty bahaž konsulskich słužbovych asob i členaŭ ich siemjaŭ, jakija pražyvajuć razam ź imi, vyzvalajecca ad nadhladu. Jon moža być dahledžany tolki ŭ vypadku, kali jość surjoznyja padstavy mierkavać, što ŭ im znachodziacca pradmiety, nie pryznačanyja dla asabistaha karystańnia konsulskaj słužbovaj asobaj abo členami jaho siamji, jakija pražyvajuć razam ź im. Taki nadhlad pavinien pravodzicca ŭ prysutnaści adpaviednaj konsulskaj słužbovaj asoby abo člena jaho siamji.
Na videa supracoŭnik pamiežnaha propuska «Novaja Huta» papiaredžvaje pasła, što ŭ adpaviednaści z zakanadaŭstvam na jaho ŭskładzieny abaviazki pa ažyćciaŭleńni pamiežnaha kantrolu, u tym liku ahlad transpartnaha srodku.
Na što Ihar Kizima nahadvaje, što ŭ suviazi ź Vienskaj kanviencyjaj ahlad asabistaha bahažu dypłamata pry pierasiačeńni miažy krainy, dzie jon pracuje, nie dazvalajecca, kali niama važkich pryčyn.
— Tak, tamu asabisty vaš bahaž my ahladać nie chočam, my prapanujem vam prosta adkryć zadnija dźviery aŭtamabila, my ahledzim bahažnik. Asabistyja rečy my dahladać nie źbirajemsia, — skazaŭ pamiežnik.
Pasoł pahadziŭsia adkryć bahažnik, ale papiaredziŭ, što napiša notu, i papiaredziŭ pra «dypłamatyčnuju vajnu».
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary