Dziarždep: U ZŠA ličać, što narod Biełarusi adchiliŭ Alaksandra Łukašenku i ŭ jaho «niama lehitymnaści»
ZŠA abmiarkoŭvajuć ź Jeŭropaj «adrasnyja sankcyi» ŭ dačynieńni da Biełarusi. Pra heta zajaviŭ u piatnicu na śpiecyjalnym telefonnym bryfinhu dla žurnalistaŭ, pryśviečanym situacyi ŭ Biełarusi, pieršy namieśnik dziaržsakratara ZŠA Styvien Bihen, pieradaje TASS.
Pa jaho słovach, u ZŠA ličać, što narod Biełarusi adchiliŭ Alaksandra Łukašenku jak svajho lidara i ŭ jaho «niama lehitymnaści». «Režym nie pracuje ŭ intaresach biełaruskaha naroda. <…> Ciapier, paśla taho jak narod vidavočna adchiliŭ režym, kiraŭnictva Biełarusi vykarystoŭvaje hvałt dla padtrymańnia svajoj ułady», — skazaŭ Bihen.
«Heta spabornictva nie pamiž ZŠA i Rasijaj, a pamiž kiraŭnikom i narodam, na kiravańnie jakim jon pretenduje», — pryvodzić słovy namieśnik dziaržsakratara «RIA Naviny».
U ZŠA nie ličać, što Rasija pavinna padtrymlivać Alaksandra Łukašenku:
«Bolšaść biełarusaŭ ličać Rasiju krainaj, najbolš blizkaj da ich serca, i my pavažajem hetyja pačućci i suvierenny vybar. Ale my nie razumiejem, jak Maskva moža padtrymlivać taki režym i padobny hvałt suprać mirnych hramadzian… Kali Kreml pradoŭžyć iści hetym šlacham, jon ryzykuje paviarnuć biełaruski narod, jaki ni ŭ čym nie pakryŭdžany na Rasiju, suprać Maskvy», — miarkuje Bihan.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj57
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary