Łukašenka ŭsio ž pryjechaŭ na kancert na «Minsk-Arenie» i raskazaŭ pra zakryćcio miažy z Zachadam
Łukašenka źjaviŭsia ŭ «Minsk-Arenie» na kancercie ŭ svaju padtrymku paśla premjery pieśni Iryny Darafiejevaj «Lubimuju nie otdajut».
Chacia jašče nie tak daŭno Natalla Ejsmant kazała, što Łukašenka nie pryjedzie. Maŭlaŭ, Łukašenka zajmajecca pytańniem sumiesnych vajennych vučeńniaŭ z Rasijaj.
— Stelefanavalisia, mnie kažuć, my jašče šumim! Tak ja pryniaŭ rašeńnie pa darozie, pieraapranuŭsia i pryjechaŭ na hety forum, kab skazać niekalki słoŭ vam! — źviarnuŭsia da ŭdzielnikaŭ forumu Łukašenka. — Ja vielmi caniu toje, što adbyvajecca ciapier u hetaj zale. Vy navat nie ŭjaŭlajecie, jakuju jarkuju staronku ŭ historyju novaj Biełarusi vy ŭpisali, tut sabraŭšysia! Vy pišacie našu historyju!
«Ja vam klanusia: nijakaj many na vybarach nie było, — skazaŭ jon. — Nielha falsifikavać 80%».
«Nibyta na Akreścina jany kahości pabili, kahości zabili… Amapaŭcy na Akreścina nikoli nie byli. Tam dziažurać vajskoŭcy ŭnutranych vojskaŭ. Amapaŭcy, hetyja rabiaty sarvali blickryh pad bieł-čyrvona-biełymi ściahami», — vykazaŭsia jon.
Pra rezalucyju Jeŭraparłamienta jon zajaviŭ: «My praviali vybary pa Kanstytucyi i nie majem patreby ni ŭ jakim pryznańni».
«My nie viedajem, što jany vykinuć dalej… Tamu my vymušanyja advieści vojski z vulic, paŭarmii pastavić pad ružžo i zakryć dziaržaŭnuju miažu z Zachadu, ź Litvoj, Polščaj, uzmacnić dziaržaŭnuju miažu z Ukrainaj», — skazaŭ Łukašenka.
«Ja chaču źviarnucca da narodaŭ Polščy, Litvy, Ukrainy: spynicie svaich zvarjaciełych palitykaŭ, nie dajcie raźviazacca vajnie!» — praciahnuŭ jon.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary