Pamierła maci 17-hadovaha Cimura, jaki apynuŭsia ŭ reanimacyi paśla pratestaŭ. Sirotami zastalisia dzieviać dziaciej
Siońnia pamierła maci 17-hadovaha Cimura M. Taćciana. Nahadajem, padletak paśla pratestaŭ trapiŭ u reanimacyju, a zatym uciok z balnicy. Sirotami zastalisia dzieviać dziaciej, siamiora ź ich niepaŭnaletnija. Samoha Cimura da hetaha času nie znajšli. Taćciana, maci Cimura, pamierła na 45-m hodzie žyćcia, u jaje byli prablemy sa zdaroŭjem.
Nahadajem, 13 žniŭnia Cimur trapiŭ u reanimacyju 3-j dziciačaj balnicy Minska. Jaho dastavili ŭ balnicu z RUUS. Chłopiec u balnicy znachodziŭsia niejki čas u miedykamientoznaj komie.
3 vieraśnia padletka zatrymali i advieźli na dopyt u ramkach art. 293 KK (Masavyja biesparadki). Śledčyja zajavili, što padletak aktyŭna ŭdzielničaŭ u masavych biesparadkach i datyčny da ŭzbrojenaha napadu na kiroŭcu hruzavoha aŭtamabila MAZ. Pa słovach śledčych, małady čałaviek jość na zapisach kamier videanazirańnia na vulicy Prytyckaha 10 žniŭnia, dzie prachodzili akcyi pratestu.
3 vieraśnia ŭ SK maładomu čałavieku stała drenna — jaho adpravili ŭ balnicu. Niejki čas jon pravioŭ u reanimacyi, a ŭ dzień źniknieńnia jaho pieraviali ŭ zvyčajnuju pałatu. Vypisvać jaho na toj momant jašče nie źbiralisia, raspaviali blizkija chłopca. Pa źviestkach svajakoŭ, na kamierach videazapisu vidać, što Cimur sustreŭsia ŭ balnicy ź dziaŭčynaj u biełym płaščy, akularach i ź miadźviedziem u rukach.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary