Charkaŭski hubiernatar Alaksiej Kučar pahutaryŭ z 20-hadovym kursantam Viačasłavam Załačeŭskim, adzinym, chto vyžyŭ u katastrofie samalota An-26 pad Čuhujevam, paviedamlaje Hromadśkie.
«Skazaŭ, što ŭsio adbyvałasia jak u kampjutarnaj hulni: kali jon aprytomnieŭ, to ŭbačyŭ, jak haryć jaho tavaryš. Dapamahaŭ tušyć połymia na tym chłopcy, jaki znachodziŭsia ŭ špitali i, na žal, siońnia pamior», — pierakazaŭ Kučar słovy kursanta.
Kiraŭnik vobłaści raspavioŭ, što chłopiec usiaho nie pamiataje, tamu što na čas straciŭ prytomnaść. Kali pryjšoŭ u siabie, to vylez z-pad abłomkaŭ samalota i pačaŭ tušyć tavaryša. U toj ža čas infarmacyju ab tym, što jon nibyta vyskačyŭ z samalota, chłopiec nie paćvierdziŭ.
Avijakatastrofa An-26 u Charkaŭskaj vobłaści adbyłasia ŭviečary 25 vieraśnia. Z 27 čałaviek na borcie (20 kursantaŭ Charkaŭskaha nacyjanalnaha univiersiteta Pavietranych Sił i siem aficeraŭ, jašče adnaho kursanta nie dapuścili da palotu) adrazu paśla avaryi vyžyli dvoje.
Adzin ź ich (kursant sa Lvova) pamior u Charkaŭskaj balnicy nieadkładnaj miedycynskaj dapamohi, inšy (z Charkaŭskaj vobłaści) znachodzicca ŭ Charkaŭskim vajskovym špitali.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB27
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary