Muzykantam, što hrali ŭ pierachodzie na Kołasa na Žanočym maršy, prysudzili 11—13 sutak aryštu
Muzykam kavier-hurtu Best Sound Band, jakich zatrymali 26 vieraśnia ŭ padziemnym pierachodzie na płoščy Jakuba Kołasa, Saviecki rajonny sud Minska prysudziŭ aryšty — roznyja terminy za adnolkavaje pravaparušeńnie, piša Radyjo Svaboda.
Altystku Ninu Matuškinu sudździa Alaksandr Voŭk pakaraŭ 11 sutkami za «parušeńnie paradku arhanizacyi i praviadzieńnia masavych mierapryjemstvaŭ». Pavodle anałahičnaha artykuła 23.34 č.1 KaAP na 12 sutak adpraŭleny za kraty Jarasłaŭ Bandarčuk. Takoje rašeńnie pryniała sudździa Maryna Fiodarava.
Jana ž sudziła i apošniaha z zatrymanych muzykaŭ kalektyvu Vadzima Buraka. Vyrak — 13 sutak administracyjnaha aryštu.
Kali padčas Žanočaha maršu častka pratestoŭcaŭ spuściłasia ŭ pierachod, hurt zajhraŭ «Pieramien» i «Mury». Ludzi vitali maładych muzykaŭ, padpiavali im. Ale nieŭzabavie źjaviłasia milicyja, jakaja zahadała spynicca i źbiracca ŭ adździaleńnie dla «vyśviatleńnia asob».
Dazvolnyja papiery na vuličnyja vystupy na milicyjantaŭ nie padziejničali.
Paźniej vyśvietliłasia, što zatrymali Bandarčuka, Matuškinu, Buraka. Da suda ich źmiaścili ŭ CIP na Akreścina. Jašče dvaich muzykaŭ adpuścili.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio17
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary