Abłasny ideołah pra biełuju i čyrvonuju vopratku: «A kali b była seksualnaja revalucyja? My b faličnyja simvały ŭ drevach i šłahbaumach šukali?»
Viadučy navin kanała «Kraina dla Žyćcia» Jaŭhien Salankoŭ razyhraŭ načalnika adździeła ideałahičnaj raboty i maładziožnaj palityki homielskaha abłvykankama Dzianisa Davydava. Viadučy patelefanavaŭ ideołahu z pytańniem. Na razmovu źviarnuli ŭvahu «Mocnyja naviny».
Viadučy pradstaviŭsia nastaŭnikam i ŭspomniŭ vypadak 2 kastryčnika, kali ŭ Homieli zatrymali piedahohaŭ la pomnika Iryny Paskievič za «vopratku palityčnych koleraŭ». Jon pacikaviŭsia, ci možna dzieciam nadzieć na kancert da Dnia Kastryčnickaj revalucyi biełyja błuzki i čyrvonyja halštuki.
Čytajcie taksama: U dzień nastaŭnika ŭ Homieli zatrymali piedahohaŭ, bo ŭ ich było «adzieńnie palityčnaha koleru»
— Heta psichoz, kali ludzi va ŭsim pačynajuć šukać niejkija znaki, — adkazaŭ čynoŭnik.
Davydaŭ rastłumačyŭ: dzieci ŭ adzieńni čyrvonych i biełych koleraŭ i žančyny la pomnika — roznyja vypadki. Pavodle jaho słoŭ, hamialčanki tak apranulisia z peŭnym palityčnym namieram i arhanizavali niaŭzhodnienuju akcyju. Jon prapanavaŭ spakojna stavicca da ŭsiaho i pryvioŭ prykład, jak nie treba «šukać znaki».
— A ciapier davajcie piarojdziem na Frejda, viedajecie ž jaho? A kali b była nie palityčnaja, a seksualnaja revalucyja — my chadzili b usiudy faličnyja simvały šukali? U šłahbaumach i drevach? — śmiajecca čynoŭnik.
Davydaŭ u razmovie vykazaŭ nadzieju, što da 26 kastryčnika «ŭ krainie stanie spakajniej».
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary