Niepaŭnaletniamu minčuku šyjuć kryminalnuju spravu za błakavańnie darohi ŭ Sierabrancy
Jak stała viadoma pravaabaroncam, 17-ci hadovamu minčaninu Maksimu Babiču vystaŭlenaje abvinavačvańnie pavodle častki 1 artykuła 342 Kryminalnaha kodeksa. Zaraz jon znachodzicca pad vartaj.
Maksima zatrymali 19 kastryčnika prykładna a 7.30 ranicy ŭ toj čas, kali jon vychodziŭ z padjezda i nakiroŭvaŭsia na vučobu (chłopiec źjaŭlajecca studentam druhoha kursu Minskaha dziaržaŭnaha aŭtamiechaničnaha kaledža). U jakaści pryčyny jahonaha zatrymańnia byŭ nazvany epizod z błakavańniem darohi 13 kastryčnika ŭ Sierabrancy (rajon Minska), na skryžavańni praśpiekta Rakasoŭskaha i vulicy Plachanava. Zatym chłopca pavieźli ŭ Leninskaje RUUS horada Minska. Dopyt adbyŭsia tolki ŭ 16 hadzin (pra toje, što adbyvałasia z chłopcam u pramiežku z 7.30 da 16-ci hadzin, nieviadoma). U jakaści miery strymańnia abrali aryšt.
Blizkija Maksima padavali chadajnictva ab abrańni inšaj miery strymańnia, adnak jaho adchilili. Maksim Babič pa stanie na 10.30 hadzin 22 kastryčnika znachodzicca ŭ izalatary časovaha ŭtrymańnia horada Minska (1-y zavułak Akreścina).
Maksim Babič maje prablemy sa zdaroŭjem — u jaho parok serca.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary