Množacca akty drobnaha sabatažu na čyhuncy. Za sutki — 20 vypadkaŭ
Za sutki ŭ Biełarusi vyjaŭlena bolš za 20 faktaŭ nakładańnia mietaličnaha drotu na rejki, paviedamlaje MUS.
Nieviadomyja praciahvajuć sprabavać błakavać ruch transpartu, u tym liku čyhunačnaha. Z pačatku hoda zafiksavana 57 faktaŭ nakładańnia starońnich pradmietaŭ na rejki. Pry hetym 40% vypadkaŭ (vykarystańnie mietaličnaha drotu) vyjaŭlena za minułyja sutki.
Z-za iłžyvaha sihnału śviatłafora na pierahonie pamiž stancyjami Asiejeŭka i Kaladzičy adbyłasia zatrymka ruchu troch elektryčak i adnaho ciahnika (ad 7 da 22 chvilin). Uviečary 26 kastryčnika ŭ Mahilovie na pierahonie Mahiloŭ-2 — Mahiloŭ-3 mašynist manieŭranaha ciahnika vyjaviŭ na rejkach mietaličny drot daŭžynioj 2,5 m. A dniom 27 kastryčnika na pierahonie Babrujsk — Miradzina zafiksavana šeść padobnych faktaŭ.
Kamientary