Karajeŭ pra siłavikoŭ, jakija ŭvarvalisia ŭ kvateru na Navavilenskaj: Zakon jany nie parušyli
Ministr unutranych spraŭ Juryj Karajeŭ pierakanany, što 25 kastryčnika siłaviki na zakonnych padstavach uvarvalisia ŭ kvateru na vulicy Navavilenskaj.
«Ja chaču nahadać, pa-pieršaje, pa zakonie «Ab orhanach unutranych spraŭ» supracoŭnik milicyi maje prava ŭvachodzić u pamiaškańnie, kali maje dastatkovyja padstavy mierkavać, što tam chavajecca čałaviek, jaki ździajśniaje złačynstva. I druhoje, adkul my viedajem, jany ŭvajšli ŭ kvatery svaich prychilnikaŭ abo prosta ŭvarvalisia da dobrasumlennych hramadzian, jakija ni snom, ni ducham. My heta pavinny spyniać», — zajaviŭ jon u efiry «Biełaruś 1».
Varta adznačyć, što demanstrantaŭ pryciahvali da adkaznaści ŭsiaho tolki za administratyŭnaje pravaparušeńnie. Zakanadaŭstva nie daje prava siłavikam uryvacca ŭ kvatery da pravaparušalnikaŭ.
Adnak Karajeŭ śćviardžaje, što z kvater zabrali tych, chto kidaŭ kamiani, i jany «dajuć užo pakazańni».
Čytajcie: Voś što raskazała haspadynia kvatery na Navavilenskaj u Minsku, kudy ŭvarvalisia ludzi ŭ maskach
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii3
Kamientary