U adkaz na zajavu SK pra Bandarenku miedyki chutkaj dapamohi apublikavali dakumient, što jon mieŭ 0% ałkaholu ŭ kryvi
Śledčy kamitet prakamientavaŭ śmierć Ramana Bandarenki. Jak i MUS raniej, SK akcentavaŭ uvahu na kanflikcie miž žycharami dvara i nieŭstanoŭlenymi asobami, jakija zdymali nacyjanalnuju simvoliku. Ale SK taksama zajaviŭ pra toje, što Raman Bandarenka byŭ u stanie ałkaholnaha apjanieńnia.
«11 listapada ŭ milicyju pastupiła paviedamleńnie ab tym, što ŭ dvary doma na vulicy Čarviakova ŭ Minsku adbyłasia bojka pamiž ahresiŭna nastrojenymi miascovymi žycharami, jakija viešajuć stužki, i asobami, što ich zdymali. Supracoŭniki milicyi, što prybyli na miesca, vyjavili mužčynu ź cialesnymi paškodžańniami i prykmietami ałkaholnaha apjanieńnia.
Minčuk byŭ dastaŭleny ŭ Centralnaje RUUS Minska dla vyśviatleńnia akaličnaściaŭ taho, što zdaryłasia. U suviazi z paharšeńniem samaadčuvańnia mužčyny pravaachoŭniki vyklikali jamu chutkuju miedycynskuju dapamohu. Minčuk byŭ ahledžany miedykami, paśla čaho špitalizavany va ŭstanovu achovy zdaroŭja, dzie pry pieršasnym ahladzie razam ź cialesnymi paškodžańniami ŭ jaho dyjahnastavali ałkaholnuju intaksikacyju. Na nastupny dzień, niahledziačy na akazanuju miedycynskuju dapamohu, mužčyna pamior», — havorycca ŭ paviedamleńni SK.
SK nie nazyvaje nijakich ličbaŭ pra ałkahol ŭ arhaniźmie, jak robić heta zvyčajna ŭ svaich paviedamleńniach.
Paśla hetaha miedyki Balnicy chutkaj miedycynskaj dapamohi apublikavali ŭ telehram-kanale «Biełyja chałaty» dakumient, jaki śviedčyć, što ŭ Ramana Bandarenki było 0% ałkaholu ŭ kryvi.
A žychary dvara na vulicy Čarviakova, u svaju čarhu, apublikavali zapis z kamier videanazirańnia, jaki pakazvaje, što siłaviki viaduć Bandarenku ŭ bus žyvym. Praź niekalki hadzin paśla hetaha chutkaja zabrała jaho z Centralnaha RUUS nieprytomnym, ź ciažkimi traŭmami.
Čytajcie taksama: Pamior Raman Bandarenka, jakoha chutkaja zabrała nieprytomnym z Centralnaha RUUS
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary