Vykładčyca BDU, žonka viadomaha žurnalista, padpisvała zvaroty suprać hvałtu. Joj nie praciahnuli kantrakt
«Radyjo Svaboda»
Vykładčyca anhlijskaj movy Marjana Hruździłovič pracavała ŭ BDU apošnija 10 hadoŭ. U siaredzinie navučalnaha hoda kiraŭnictva vyrašyła kantrakt ź joj nie praciahvać, piša «Radyjo Svaboda».
Marjana, jakaja zajmaje pasadu staršaha vykładčyka, ličyć, što hałoŭnaj pryčynaj stała jaje aktyŭnaja hramadzianskaja pazycyja.
«Ja svajoj pazicyi nikoli nie chavała, — kaža jana. — Padpisvała ŭsie zvaroty suprać hvałtu. Była ŭ Sajuzie žančyn BDU try hady. Vielmi šmat tam zrabiła jak šarahovy ŭdzielnik. Ale 1 vieraśnia napisała zajavu na vychad paśla ŭsich hetych padziej. I kali mianie spytała kiraŭnictva, ja skazała, što sychodžu pa palityčnych matyvach».
U pres-słužbie BDU «Našaj Nivie» tak patłumačyli situacyju: «Univiersitet paćviardžaje nie padaŭžeńnie kantraktu z Hruździłovič Marjanaj Ryhoraŭnaj, ale, razam z tym joj było prapanavana supracoŭnictva z univiersitetam da kanca navučalnaha hoda z zaklučeńniem terminovaj pracoŭnaj damovy».
Marjanie Hruździłovič 61 hod, jana ŭžo na piensii. Kaža, što ŭ śniežni miełasia, jak kožnyja 5 hadoŭ, prachodzić konkurs na pasadu. Pracoŭny kantrakt u jaje skančajecca 23 śniežnia. Adnak 13 listapada jaje vyklikali ŭ adździeł kadraŭ i pakazali papieru za podpisam rektara ad 24 kastryčnika ab tym, što kantrakt ź joj praciahnuty nie budzie. Pryčyny hetaha patłumačyć u adździele kadraŭ admovilisia, kaža Marjana.
Marjana Hruździłovič — žonka šmathadovaha karespandenta «Radyjo Svaboda» Aleha Hruździłoviča. Jaho zabrali 10 listapada z kvatery i 12 listapada asudzili na 15 sutak nibyta za ŭdzieł u niesankcyjanavanym masavym mierapryjemstvie.
-
Za rulom dypłamatyčnaj mašyny, jakaja sutyknułasia z palicejskim aŭto ŭ Biełastoku, byŭ konsuł Biełarusi ŭ Aŭstryi
-
U Minsku žančyna vykinuła ź dziaviataha paviercha čychuachua svajho kachanka
-
Zaviaščaŭ Karynie Šulak 50 miljonaŭ, a jaje baćka lotaŭ ź im na viertalocie za miesiac da aryštu. Što jašče stała viadoma z fajłaŭ Epštejna
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary