Nacbank zahadaŭ razbłakavać kartki biełarusaŭ, na jakija prychodzili hrošy ad fondaŭ salidarnaści
U listapadzie biełarusy, jakija atrymlivali kampiensacyi ad fondu BY_help, sutyknulisia z błakavańniem svaich kart i zamarozkaj hrošaj na ich u pamiery atrymanaj vypłaty. Kali srodkaŭ na rachunku nie chapała, bałans sychodziŭ u minus. Taksama z-za nakładzienaha aryštu ŭ niekatorych nie było mahčymaści atrymać navat piensii i dapamohi — jany całkam śpisvalisia ŭ košt atrymanaj raniej vypłaty ad BY_help. Ciapier niekatoryja z tych, u kaho byli zabłakavanyja karty, paviedamlajuć, što jany znoŭ zapracavali, a ŭsie hrošy viarnulisia. Jak Tut.by rastłumačyli ŭ adnym z bankaŭ, heta źviazana z tym, što Nacbank i Śledčy kamitet udakładnili miechanizm nakładańnia aryštu na vypłaty ad BY_help. Ciapier jany nie mohuć kampiensavacca za košt srodkaŭ, atrymanych ź inšych krynic.
Adzin z čytačoŭ napisaŭ pra toje, što raniej jaho karta była zabłakavanaja, a bałans na joj syšoŭ u nul. Ciapier kartka znoŭ pracuje, i na rachunak viarnulisia 500 rubloŭ, što lažali tam raniej.
— Ja ničoha dla hetaha nie rabiŭ i nie vyśviatlaŭ, ciapier znachodžusia za miažoj. Advakat prapanoŭvaŭ atrymać adkaz z banka i napisać zajavu ŭ SK, ale bank adkazvaje tolki na piśmovyja asabistyja zajavy, — raspaviadaje čytač. — Hrošy z karty ja ciapier źniaŭ.
U adnym z bankaŭ rastłumačyli, što ŭ pačatku miesiaca Nacbank razasłaŭ bankam list, u jakim vykłaŭ miechanizm vykanańnia pastanovy Śledčaha kamiteta i ŭzhadniŭ hety miechanizm sa SK.
— Tam vyrazna prapisana, što hrašovyja srodki, jakija pastupajuć ź inšych krynic, aryštu nie padlahajuć. Kali hrošy byli atrymany z krynicy, jakaja padlahaje aryštu, i vykarystany, to ich pakryćcio ź inšych krynic nie praduhledžvajecca. U liście było apisana niekalki situacyj. U pryvatnaści, adna ź ich takaja: hrošy pryjšli z krynicy, jakaja padlahaje aryštu, ich całkam patracili, i jany adsutničajuć na rachunku. Praź niejki čas na rachunak pastupili hrošy ź inšaj krynicy: heta moža być zarpłata, piensija, dapamoha, inšyja pieraličeńni. Jany nie padlahajuć aryštu. Tamu banki pierahledzieli ŭmovy aryštu i źniali błakavańni, — tłumačać u banku.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary