Asudzili žycharku Homiela, jakaja pakazvała znak V udzielnikam pratestu
U Homli 10 śniežnia adbyŭsia sud «za palcy». Žycharka Homla pakazvała znak V udzielnikam pratestu. Milicyjant śćviardžaje, što jana prademanstravała mienavita jamu «siaredni palec ruki», čym abraziła jaho, piša «Radyjo Svaboda».
Hanna Vołkava ŭ dni pratestaŭ časam prajaždžała pa Savieckaj vulicy i pakazvała palcami znak pieramohi V udzielnikam maršaŭ i akcyjaŭ. 11 kastryčnika jaje zatrymali supracoŭniki DAI i zavieźli ŭ Čyhunačny RAUS — ničoha nie tłumačačy. Viečaram Hanna trapiła ŭ IČU, dzie praviała sodni. Na jaje skłali pratakoł pavodle artykuła 17.1 KaAP (Drobnaje chulihanstva). Hetuju spravu spynili, ale milicyja raspačała novuju — pavodle artykuła 23.5 (Abraza słužbovaj asoby).
Na sudzie vystupaŭ milicyjant, kamandzir roty patrulna-pastavoj słužby Jury Radčanka. Jon śviedčyŭ, što 11 kastryčnika Hanna jechała na svaim aŭtamabili, admysłova pasyhnaliła, kab pryciahnuć uvahu, a kali jon azirnuŭsia, «prademanstravała nieprystojny žest — siaredni palec ruki».
Hanna nie pryznała vinu i kazała na sudzie, što jaje zatrymali biez tłumačeńnia supracoŭniki DAI, zavieźli ŭ RAUS. Jana nie vyklučaje, što ŭvahu milicyi mahli pryciahnuć čyrvonyja stužki na aŭtamabili abo toje, što jana pakazvała znak V pratestoŭcam.
Sudździa Alaksiej Chłyščankoŭ pakaraŭ jaje štrafam u 20 bazavych vieličyniaŭ (540 rubloŭ).
Ciapier čytajuć
Jak u halečy śpivałasia radnia Łukašenki? Małaviadomyja fakty30
Kamientary