Deputata Minharsavieta sfatahrafavali, kali jon zrazaŭ biełyja i čyrvonyja stužki ŭ dvary
Uviečary 28 śniežnia na vulicy Haradzieckaj u Minsku zaŭvažyli mužčynu ŭ kapiušonie, jaki zrazaŭ stužki na płocie. U im paznali deputata Minharsavieta ad vybarčaj akruhi №51, što va Uruččy, Eduarda Kuźniacova. Jon paćvierdziŭ heta sam u razmovie z Tut.by.
Deputat skazaŭ, što bačyŭ čałavieka, jaki viešaŭ stužački na aharodžu. Padyšoŭ da jaho i spytaŭ, što jon robić. Paśla hetaha mužčyna, jaki viešaŭ stužki, pa słovach Kuźniacova, «pačaŭ niezrazumiełuju hulniu» suprać jaho.
Pavodle Eduarda Kuźniacova, jon źniaŭ niekalki stužačak, jakija ŭžo paviesili. Paśla hetaha Kuźniacoŭ i jaho apanient sfatahrafavali adzin adnaho i razyšlisia.
Eduard dadaŭ, što i sam — miascovy žychar, jaho dom zusim pobač. Jon ličyć, što vyviešvańnie stužačak u dvary — heta parušeńnie paradku.
— A ŭ čym parušeńnie paradku?
— Nu, ujavicie: da vas prychodziać dadomu i pačynajuć viešać usialakuju łuchtu, jakaja žycharam nie padabajecca.
— Pra dom — tak, razumieju. Ale tut ža havorka idzie pra dvor.
— Heta toje ž samaje. Ja liču, dvor — heta dom, kraina — heta dom. A kali ŭ vas dom tolki tam, dzie tapki stajać — nu, heta vašy prablemy.
-
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
-
Dziasiatki hadoŭ ekśpiedycyj u adnym jutub-kanale. U Biełarusi prezientavali videarchiŭ Mikoły Kozienki z narodnymi tancami i abradami
-
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary