U Maskvie były śviatar adkryŭ šaŭrmičnuju «Stalin». Palicyja patrabuje zakryć jaje
Na pravasłaŭnaje Rastvo ŭ Maskvie z ažyjatažam adkryŭsia punkt z šaŭrmoj pad nazvaj «Stalin Doner». Miasa narazaje čałaviek u formie NKVD, a ŭ mieniu šaŭrma «Stalinskaja», «Chruščoŭskaja» i «ad Bieryi».
Uładalnik kafe — były śviatar Stanisłaŭ Voltman.
«Ja zaŭsiody zachaplaŭsia historyjaj, zaŭsiody zachaplaŭsia asobaj Stalina. Mnie było cikava ŭsio, što ź im źviazana, ja pieračytaŭ kuču knih, kuču artykułaŭ pierahledzieŭ. Stalin nikoli nie byŭ dla mianie kumiram, jakoha ja ŭschvalaju i ŭznošu ŭ adzin šerah z božańkaj u abličča śviatych. Ale ja i nie demanizuju jaho nastolki, nakolki heta robić libieralnaja publika. Pra jaho nielha kazać tolki drenna ci dobra», — patłumačyŭ jon kanału «Baza».
Na nastupny dzień paśla adkryćcia da Voltmana pryjšła palicyja.
«Jany absalutna niezakonna adklučyli śviatło. Vyklučyli chaładzilniki, dzie zachoŭvajucca pradukty, nabytyja za našy hrošy. Na majo pytańnie palicejskamu, ci možna ich uklučyć, jon adkazaŭ: «Nie parsia, usio roŭna tut chutka ŭsio začynicca i ŭsio zhnije». Potym ja sutykaŭsia z absalutnym chamstvam. Mianie paviali ŭ pastarunak za 500 mietraŭ ad šaŭrmičnaj. Ja čuŭ, jak načalnik zahadaŭ pa telefonie ŭčastkovamu ŭtrymlivać mianie nie mienš za try hadziny. U niejki momant učastkovy skazaŭ: idziom tudy, i kab praz 15 chvilin hetaj chierni nie było, kab tam usio prybrali, demantavali».
Adnak pakolki pretenzii palicyi pakul byli vusnyja, šaŭrmičnaja praciahnuła pracu. Voltman nie kaža, ci budzie vykarystoŭvać brend dalej. Źbirajecca zapuskać tandyr i rabić bliny.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary