9 studzienia pamior aŭtar jarkich ekśpierymientalnych habielenaŭ Uładzimir Lisavienka, siabra Sajuza mastakoŭ i Sajuza dyzajnieraŭ. Jamu byŭ 61 hod.
«Firmovy počyrk Uładzimira Lisavieki zapomniŭsia mnohim prychilnikam ekśpierymientalnaha habielenu. Jon umieŭ pieraŭtvarać u tvory mastactva mahnitafonnyja stužki i staryja džynsavyja tkaniny. Dla jaho džynsy byli nie tolki simvałam maładości, ale i fakturnym materyjałam, bolš, čym prosta adzieńnie. «Džynsy — heta dla majho pakaleńnia ŭsio. Ja prosta hetyja staryja štany zapuskaju ŭ viečnaje žyćcio», — tłumačyŭ aŭtar u svaich intervju.
Aŭtarskim habielenam Uładzimira Lisavienki ŭłaściva spałučeńnie paetyčnych mastackich vobrazaŭ, vykananych u strymanaj kalarovaj hamie, ź intensiŭnym i ŭ toj ža čas tonkim pačućciom rytmu i materyjału.
Mastactvaznaŭca Piotra Vasileŭski: «Dla spadara Uładzimira tkactva — toje ž, što i malavańnie. Jon uvasablaje ŭ habielenie dumki, jakija mahli b być zanatavanymi ałoŭkam na papiery albo farbami na pałatnie. Pryčym stupień vyjaŭlenčaj umoŭnaści kali-nikali miažuje z tak zvanym naiŭnym mastactvam. Adnak navat kali aŭtar imituje stylistyku dyletanta, adčuvajecca ŭpeŭnienaja ruka prafiesijanała».
A ŭsiaho niekalki hadoŭ tamu adbyłasia jubilejnaja vystava Uładzimira Lisavienki ŭ Pałacy mastactva. I da jaje adkryćcia Ała Niepačałovič napisała: «Uładzimir Lisavienka ŭ svajoj tvorčaści źviartajecca da raznastajnych tem, stvaraje šyroki śpiektr svojeasablivych mastackich vobrazaŭ. Mastak pastajanna ekśpierymientuje, nie abmiažoŭvajučysia technikaj hładkaha tkactva. U jaho pracach prasočvajecca asnova kłasičnych tradycyj habielena i biełaruskaha uzornaha tkactva. Adnak navatarskija stylistyčnyja idei i aŭtarskija pryjomy vykanańnia Uładzimira, dapoŭnienyja ŭdałym vykarystoŭvańniem nieardynarnych sučasnych materyjałaŭ, pryciahvajuć vielizarnuju cikavaść i ŭvahu hledača da jaho tvoraŭ», — adznačajecca ŭ niekrałohu Biełaruskaha sajuza mastakoŭ.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary