U kancy śniežnia minułaha hoda z paviedamleńniem ab kradziažy ŭ milicyju źviarnuŭsia babrujčanin. Zajaŭnik raspavioŭ, što ź jaho haspadarčaj pabudovy źnikli dźvie ŭpakoŭki pienapleksu. Stary zamok, jaki visieŭ na dźviery, byŭ złamany, paviedamiła «MahiloŭAnłajn» hałoŭny śpiecyjalist pa pracy sa ŚMI ŭpraŭleńnia Dziaržaŭnaha kamiteta sudovych ekśpiertyz pa Mahiloŭskaj vobłaści Iryna Račkoŭskaja.
Kali śpiecyjalisty pryjechali da babrujčanina, jon raspavioŭ, što znajšoŭ kala płota čorny pakiet z mužčynskimi tuflami. Ekśpiertyza pakazała, što na abcasie jość adbitak palca. Pa bazie danych śpiecyjalisty znajšli 42-hadovaha miascovaha žychara, jaki raniej pryciahvaŭsia da kryminalnaj adkaznaści. A nie tak daŭno jon vyjšaŭ na volu.
Nieŭzabavie mužčynu zatrymali, častku vykradzienaha, jakuju jon nie paśpieŭ pradać, kanfiskavali. Jak akazałasia, zajaŭnik znajomy z hetym mužčynam, pryčym napiaredadni jany razam vypivali ŭ domie paciarpiełaha.
Zaviali kryminalnuju spravu.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary