Žančynu pasadzili na 20 sutak za «niepadparadkavańnie». Taja kaža, što jaje schapili nieviadomyja pa darozie ŭ kramu
Sud aryštavaŭ na 20 sutak žančynu, zatrymanuju na vychodnych u dvary na Zaŭsłaŭskaj. Pry zatrymańni žančyny siłaviki zhubili jaje sumku, a milicyja rascaniła jaje padzieńnie praz hałalod jak niepadparadkavańnie, paviedamlajuć pravaabaroncy.
Uviečary 17 studzienia na Zasłaŭskaj vulicy zatrymali hrupu ludziej, častku jakich učora adpravili na 13-15-sutačnyja aryšty. Siońnia sudździa Dźmitryj Karsiuk suda Centralnaha rajona Minska razhladaŭ spravu Aleny Radykulcavaj.
Na Alenu skłali 2 pratakoły: pa art. 23.34 i 23.4 KaAP. Z druhim pratakołam žančynu nie aznajomili, a tam adsutničaje data i źviestki žančyny.
Na sudzie Alena raspaviała, što padčas zatrymańnia zhubili jaje sumku, unutry jakoj byŭ kašalok i telefon. Sa słovaŭ žančyny, viečaram 17 studzienia jana nakiroŭvałasia ŭ kramu «Susiedzi». Na vulicy da jaje padbieh mužčyna ŭ čornym i schapiŭ jaje. Ad niečakanaści jana ŭpała, bo było ślizka. Jaje torba ŭ hetaj mituśni zhubiłasia. Na prośbu spynicca i pašukać, supracoŭniki skazali, što znojduć potym. Užo ŭ Centralnym RUUS u pratakole vopisu rečaŭ sumka adsutničała. Zajavu ab źniknieńni rečaŭ žančyny supracoŭniki admovilisia pryniać.
Sudździa Dźmitryj Karsiuk pryznaŭ vinavataj Alenu pa č. 3 art. 23.34 i art. 23.4 KaAP i adpraviŭ jaje na 20 sutak u izalatar.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary