Žančyna ŭ Piciery, jakuju amapaviec udaryŭ nahoj u žyvot, pabyvała ŭ reanimacyi
54-hadovaja žycharka Pieciarburha Marharyta Judzina, jakuju ŭčora supracoŭnik palicyi ŭdaryŭ nahoj u žyvot padčas razhonu mitynhu, znachodzicca ŭ špitali.
U jaje surjoznaja traŭma hałavy, za noč joj stała horš. Marharyta znachodzicca ŭ reanimacyjnym adździaleńni, paviedamlaje rasijski resurs Baza.
Jaje kryŭdziciel pakul nie znojdzieny.
Voś videa taho dzikaha momantu: žančyna spytałasia ŭ siłavikoŭ, našto jany zatrymali junaka.
Dyrektar NDI chutkaj dapamohi imia Džanielidze Vadzim Manukoŭski zajaviŭ vydańniu «Podjem», što stan zdaroŭja žančyny nie strašny.
«U jaje lohkaja traŭma, tam naohuł nijakich prablem. Jana ŭ prytomnaści, adčuvaje siabie cudoŭna, ja b jaje ŭvohule vypisaŭ».
U toj ža čas RIA Novosti ŭ NDI imia Džanielidze paćvierdzili, što žančyna znachodzicca ŭ reanimacyi.
Učora ŭ sotni haradoŭ Rasii ludzi vyjšli na vulicy, pratestujučy suprać karupcyi rasijskaj viarchuški i aryštu antykarupcyjnaha błohiera Alaksieja Navalnaha. U Maskvie demanstrantaŭ było kala 40 tysiač.
Nikoli raniej pratesty ŭ rehijonach nie byli takimi masavymi. U Nižnim na vulicu vyjšli 10 tysiač čałaviek, u Jekaciarynburhu, Uładzivastoku, Irkucku i jašče sotni abłasnych haradoŭ — dzie tysiačy, dzie sotni.
Jak i ŭ Biełarusi, u Rasii ciapier ludziej razhaniajuć i zatrymlivajuć za sam fakt pratestu, a dziaržaŭnyja ŚMI pryraŭnoŭvajuć luby pratest suprać isnujučaj sistemy da złačynstva.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»1
Kamientary