Haradziencu dali try hady chimii za niecenzurnaje sms z pahrozaj prymianieńnia hvałtu
Sudździa Maskoŭskaha rajona Minska Lidzija Cialica 22 studzienia vyniesła prysud pa kryminalnaj spravie ŭ dačynieńni da Alaksandra Siačko — abmiežavańnie voli terminam u try hady ŭ papraŭčaj ustanovie adkrytaha typu.
U hety termin zaličana znachodžańnie Alaksandra pad vartaj padčas śledstva z 23 kastryčnika pa 22 studzienia 2021 hoda. Paśla abviaščeńnia prysudu Alaksandra vypuścili z-pad varty, piša spring96.org
Asudzili ž Alaksandra Siačko pavodle artykuła 364 KK RB (Hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ). Siačko pryznaŭ, što napisaŭ SMS-paviedamleńnie kamandziru adździaleńnia minskaha Centra izalacyi pravaparušalnikaŭ Jaŭhienu Urubleŭskamu sa słovami: «Malisia, u**, ty chutka p***š»:
«Paśla prahladu videa ab masavych źbivańniach i ŭsich hetych biasčynstvach padčas žnivieńskich padziej ja byŭ aburany i šakavany — i na emocyjach napisaŭ paviedamleńnie», — raspavioŭ «Viaśnie» Alaksandr Siačko.
22 kastryčnika, jak śćviardžaje Alaksandr, da jaho pryjechali apieratyŭnyja supracoŭniki ź Minska (sam jon žyvie ŭ Hrodnie):
«Nie pradstaŭlajučysia, chacieli patrapić u kvateru. Aformili ž majo zatrymańnie 23 kastryčnika — to bok pratrymali mianie amal sutki biez rehistracyi i afarmleńnia, kab advakaty nie viedali, dzie ja», — adznačyŭ Alaksandr.
Try miesiacy, pakul išło śledstva, Alaksandr znachodziŭsia ŭ roznych miescach: u Žodzina, zatym u Hrodna, a paśla jaho pieraviali ŭ SIZA№1 u Minsku. Siarod umoŭ utrymańnia Alaksandr adznačyŭ najaŭnaść prablemy atrymać miedycynskuju dapamohu:
«Lekar abiacaje: «Tak-tak, ja pryjdu». A ŭ vyniku čakaješ jaho pa try-piać dzion — i ničoha. I tolki ŭžo kali jedzieš na sud, to tam siak-tak ź lekaram užo možna było damovicca i atrymać preparaty».
Alaksandr Siačko adznačyŭ, što Urubleŭskamu pastupiła kala 1300 paviedamleńniaŭ — reakcyi ludziej na katavańni na Akreścina 9-12 žniŭnia 2020 hoda.
Sud taksama abaviazaŭ Alaksandra Siačko vypłacić Urubleŭskamu kampiensacyju maralnaj škody pamieram u 1000 biełaruskich rubloŭ. A jaho mabilny telefon, ź jakoha i było napisana SMS, — kanfiskavać.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary