Mody

Viehanski abutak: što prapanoŭvajuć sučasnyja brendy?

Praduktaŭ na raślinnaj asnovie ŭsio bolš, ale znajści stylovy viehanski abutak usio jašče niaprosta. 

Fota Depositphotos.com

Skurany abutak nastolki raspaŭsiudžany, što bolšaść navat nie zadumvajecca, jak heta ŭpłyvaje na navakolnaje asiarodździe. I choć ciapier nasielnictva płaniety naličvaje sotni miljonaŭ viehietaryjancaŭ, šmat chto ź ich zašnuroŭvaje skuranyja krasoŭki Nike Air Jordans, nosić uhi z aŭčyny i łodački sa skury cialaci.

Adnak viehanstva, bolš strohi vid viehietaryjanstva, jaki zabaraniaje vykarystoŭvać lubyja materyjały žyviolnaha pachodžańnia, nabiraje papularnaść, tamu popyt na viehanski abutak raście va ŭsim śviecie. Asablivuju kaštoŭnaść maje abutak, jaki pašyli ź pierapracavanych materyjałaŭ abo jaki bijałahična raskładajecca.

Viehanski abutak moža być zrobleny ź sintetyčnych sumiesiaŭ ci raślinnych materyjałaŭ na asnovie kukuruzy, bavoŭny, dreva, kanapiel i inšych. Navat vid bakteryj, viadomy jak čajny hryb, možna pieratvaryć u viehanskuju «skuru», piša The Wall Street Journal.

Viehanski ład žyćcia jašče bolš umacoŭvajecca ŭ śviadomaści ludziej dziakujučy znakamitaściam, takim jak pop-zorcy Bili Ajliš ci aktrysie Natali Portman, jakoj francuzski brend Dior pašyŭ viehanskija pantofli. Viehanskaj dyjety taksama prytrymlivajucca Aryjana Hrande, Majli Sajrus i Džejdžen Śmit, jaki letaś rekłamaŭ viehanskija krasoŭki New Balance.

Na žal, u prostych ludziej, jakija nie žadajuć nasić abutak, zrobleny z žyvioł ci pabočnych praduktaŭ žyviolnaha pachodžańnia, vybar nie taki vialiki. Pieravaha addajecca parusinavym krasoŭkam Converse, Vans ci papularnamu viehanskamu abutku Vegas.

Viadomaja abaronca pravoŭ žyvioł, madeljer Steła Makartni nie vykarystoŭvaje ŭ svaim adnajmiennym brendzie skuru, futra, ekzatyčnyja skury, pierje ci klej na asnovie žyviolnaha kałahienu. Jaje raskošnyja pantofli i sumki — standartny nabor dla bahatych viehanaŭ. Tym nie mienš eka-aktyvisty krytykujuć jaje za vykarystańnie tradycyjnaha šoŭku i sintetyčnych materyjałaŭ, jakija vyklikajuć vykidy ŭ atmaśfieru, kali raskładajucca.

Sintetyčnyja zamieńniki skury — adno sa sprečnych pytańniaŭ siarod viehanaŭ. Z adnaho boku, poliviniłavyja źmiešanyja materyjały amal nie adroźnić ad sapraŭdnaj skury. Ale ŭ toj ža čas takija rečyvy nielha nazvać ekałahična čystymi.

Brend Aera imkniecca raspracavać abutak, jaki b bijałahična raskładaŭsia na sto adsotkaŭ. U toj ža čas kampanija sprabuje zrabić jakasny abutak, što nie budzie znošvacca z časam. Mienavita tamu kampanija vykarystoŭvaje 50% bijamateryjału i 50% sintetyčnaj sumiesi. Adnak kampanija śćviardžaje, što ŭ vyniku vyrab adnoj ekałahičnaj pary abutku zajmaje ŭ dva razy bolš času, čym vyrab skuranoha.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

60‑hadovaja pjanaja biełaruska pieratvaryła palot z Paryža ŭ Vilniu ŭ kašmar8

60‑hadovaja pjanaja biełaruska pieratvaryła palot z Paryža ŭ Vilniu ŭ kašmar

Usie naviny →
Usie naviny

Što Polšča i Biełaruś chočuć adzin ad adnaho pry vyzvaleńni Pačobuta? A Kanapackaja vyzvałasia stać paručycielem7

Kancler Mierc: «Kaŭbasa — heta kaŭbasa». Jeŭraparłamient pahadziŭsia11

U «stalincy» na płoščy Pieramohi zrabili sučasny ramont, ciapier pradajuć. Kvadrat — daražej za $4 tysiačy2

Žurnalist Pavieł Padabied: Mianie zatrymali za dva dni da adjezdu ŭ Polšču1

U Biškieku źniknuć vulicy i praśpiekty Lenina, Tałstoha, Maksima Horkaha11

Dziaŭčynu-psichołaha z łahapiedyčnaha centra kinuli za kraty za ŭvachodžańnie ŭ skład niejkaha «ekstremisckaha farmiravańnia»6

Jeŭrapiejcy kuplali ŭ Kitai ŭsio, ciapier pačali kuplać i aŭtamabili. Pramysłovaść Hiermanii abvaliłasia da ŭzroŭniu 2005 hoda33

Azaronak: Treba admianiać da jadreni fieni ŭsialakija vybary53

Biełaruski dyzajnier pradaje zvyčajny kamień z Naračy za $20001

bolš čytanych navin
bolš łajkanych navin

60‑hadovaja pjanaja biełaruska pieratvaryła palot z Paryža ŭ Vilniu ŭ kašmar8

60‑hadovaja pjanaja biełaruska pieratvaryła palot z Paryža ŭ Vilniu ŭ kašmar

Hałoŭnaje
Usie naviny →

Zaŭvaha:

 

 

 

 

Zakryć Paviedamić