Viarchoŭny sud asudziŭ adnaho ź lideraŭ złačynnaha śvietu Homielščyny 55-hadovaha Mikałaja Sałdacienku na 11 hadoŭ turmy strohaha režymu z kanfiskacyjaj majomaści.
Viarchoŭny sud asudziŭ adnaho ź lideraŭ złačynnaha śvietu Homielščyny 55-hadovaha Mikałaja Sałdacienku na 11 hadoŭ turmy strohaha režymu z kanfiskacyjaj majomaści.
Viarchoŭny sud asudziŭ adnaho ź lideraŭ złačynnaha śvietu Homielščyny 55-hadovaha Mikałaja Sałdacienku na 11 hadoŭ turmy strohaha režymu z kanfiskacyjaj majomaści. Prysud byŭ abvieščany 2 červienia ŭ SIZA na Vaładarskaha.
Sałdacienku, mianuška Sałdat, pryznali vinavatym u vymahalnictvie pa art. 208 č.3 KK Biełarusi. Razam ź im na vialikija terminy asudžanyja Alaksandr Kavalčuk, Mikałaj Jakaŭleŭ, Ihar Lavončykaŭ i Andrej Ivanoŭ.
Śledstva išło dva hady. 17 lipienia 2007 hodu Sałdata zatrymali ŭ Rasii, u Maskoŭskaj vobłaści, dzie jon chavaŭsia ad mižnarodnaha vyšuku. Hienieralnaja prakuratura Biełarusi abviaściła jaho ŭ vyšuk pavodle artykułaŭ 207 (rabaŭnictva), 285 (stvareńnie złačynnaj arhanizacyi) i 286 (bandytyzm) KK RB. Apieracyja pa zatrymańni pravodziłasia pry ŭdziele supracoŭnikaŭ AMAP MUS Rasii «Ryś».
Pavodle dadzienych śledstva, jon byŭ aktyŭnym udzielnikam «bandy Marozava», jakaja hadami teraryzavała Homielščynu, i adnym z apošnich «marozaŭcaŭ», jakija hulali na voli.
Sud byŭ zakryty i adbyvaŭsia ŭ SIZA Minsku dziela zabieśpiačeńnia biaśpieki jaho ŭdzielnikaŭ.
***
Banda Marozava
Sprava arhanizavanaj złačynnaj hrupoŭki, kiravanaj Siarhiejem Marozavym, stała samaj hučnaj kryminalnaj spravaj apošniaha času.
Na rachunku hetaj hrupoŭki bolš za dziesiatak zabojstvaŭ, napady, rekiet, handal zbrojaj. U 2003—2005 h. bolšaść bandytaŭ była zatrymanaja, a faktyčnaj likvidacyjaj «bandy Marozava» staŭ śniežański sud 2006 h., pa vynikach jakoha Siarhiej Marozaŭ, Valery Harbaty i Ihar Dančanka byli prysudžanyja da rasstrełu. Astatnich členaŭ bandy asudzili na roznyja terminy źniavoleńnia — ad 20 hadoŭ pazbaŭleńnia da 2 hadoŭ «chimii». Usiaho pa spravie hetaj złačynnaj arhanizacyi prachodziła 46 čałaviek.
Homielskaja kryminalnaja historyja mieła rozhałas i tamu, što ŭ spravie byli zamiešanyja supracoŭniki siłavych strukturaŭ, pradstaŭniki miascovych uładaŭ. Tak, były kiraŭnik Upraŭleńnia pa baraćbie z arhanizavanaj złačynnaściu i karupcyjaj UUS Homielskaha abłvykankamu pa vynikach sudu atrymaŭ 18 hadoŭ źniavoleńnia, pa spravie Marozava prachodzili dvoje byłych namieśnikaŭ načalnika UUS vobłaści. Cikava i toje, što karjerny ŭźlot šerahu homielskich čynoŭnikaŭ prypaŭ akurat na čas panavańnia marozaŭskaj hrupoŭki. Tak, naprykład, pryznačany 2 červienia na pasadu kiraŭnika MUS Anatol Kulašoŭ u pačatku 2000-ch kiravaŭ upraŭleńniem unutranych spraŭ Homielskaha abłvykankamu.
Kamientary