U Hrodnie «spravu ab pikiecie ŭ aknie z hnomikam» viarnuli na dapracoŭku ŭ milicyju
U sudzie Kastryčnickaha rajona Hrodna 9 lutaha prajšło čarhovaje pasiadžeńnie pa «spravie ab pikiecie z hnomikam», jaki stajaŭ u aknie kvatery, nahadvaje Tut.by.
Juryja Jaraša sudziać za «niesankcyjanavany pikiet» — a pa sutnaści za dekaratyŭnaha hnomika z BČB-ściažkom u rukach, jaki stajaŭ u aknie kvatery.
Fota fihury ŭ aknie zrabiła Volha Bondarava. Žančyna viadomaja haradziencam tym, što ŭdzielničaje ŭ praŭładnych aŭtaprabiehach i zafarboŭvaje BČB-simvoliku na vulicach horada. U pieršy dzień pasiadžeńniaŭ, 8 lutaha, jana raspaviadała, što źjaŭlajecca arhanizataram akcyi «Antyvandał», mety jakoj — prybirać i zafarboŭvać BČB-simvoliku na vulicach horada.
— Akcyja ŭzhodnienaja ź ideałahičnym adździełam administracyi horada. Kožny raz pierad vyjezdam my papiaredžvajem milicyju. U hety dzień było hetak ža — patłumačyła na sudzie Bondarava. — My z kaleham jeździli pa horadzie, šukali niezarehistravanuju simvoliku, kab jaje prybrać.
Padrabiaźniej čytajcie:
U Hrodnie sudziać za hnomika ź bieł-čyrvona-biełym ściažkom u aknie. Abvinavačvajuć u adzinočnym pikiecie
Jana taksama raspaviała, što vučyłasia z žonkaj Juryja Jaraša ŭ adnym kłasie.
U aŭtorak, 9 lutaha, pavinny byli słuchać śviedku — susiedku abvinavačanaha, adnak jana i sam Juryj akazalisia ŭ zatory. Pra heta papiaredzili sakratara suda.
Padtrymać haspadara hnomika pryjšło kala 10 čałaviek, adnak ich nie puścili ŭ zału pasiadžeńnia. Ludziam skazali padymacca na čaćviorty pavierch. Tam usie stajali ŭ čakańni, mima prajšoŭ sudździa.
U vyniku ŭ zału pasiadžeńnia nikoha nie puścili, tak jak «sud užo pačaŭsia». U hety čas unutry znachodziłasia tolki adna žančyna, u prysutnaści jakoj Valeryj Špak i abviaściŭ, što sprava adpraŭlajecca na dapracoŭku ŭ RAUS.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary