Kali ciapier jany praviarajuć dachody i vydatki kankretnaha čałavieka, to ŭ płanach — brać pad uvahu taksama dachody i vydatki jaho svajakoŭ, a taksama «ŭzajemazaležnych asob», piša Tut.by.
Na praktycy moža być takaja situacyja, što minčuk kupiŭ kvateru abo darahi aŭtamabil, paśla čaho padatkovaja zapatrabavała padać dekłaracyju ab dachodach i vydatkach.
Čałaviek moh ukazać u dekłaracyi, što rabiŭ darahija pakupki za košt pazyki ŭ inšaj fizasoby (z hetaj sumy jamu treba budzie vypłacić padachodny padatak u 13%), albo za košt pazyki ŭ blizkich svajakoŭ (płacić padatak nie treba niezaležna ad sumy). Takija mahčymyja varyjanty pa-raniejšamu zastajucca.
Ale padatkovaja buduć bolš uvažliva vyvučać dachody i vydatki svajakoŭ.
Kali ŭsio-taki znojduć pieravyšeńnie vydatkaŭ nad dachodami, to pryjdziecca zapłacić padatak z usioj sumy schavanaha ad padatkaabkładanaha prybytku.
Kali kazać hruba, krynica dachodu sychodzić na druhi płan, hałoŭnaje — vypłacić padatak ź pieravyšeńnia. A ciapier padatkaviki chočuć sprabavać vyśvietlić, adkul dachody, i abkłaści padachodnym ŭsiu sumu, jakuju schavali ad padatkaabkładańnia. Heta značyć pryjdziecca zapłacić vialikuju sumu padatku. U hetaj situacyi čałavieku budzie bolš vyhadna lehalizavać dachody i adrazu zapłacić 13%.
Jašče adna navina: kali čałaviek, u jakoha zapytali dekłaracyju ab dachodach i vydatkach, źjaŭlajecca zasnavalnikam jakoj-niebudź arhanizacyi, to padatkovaja maje namier brać pad uvahu taksama vyniki jaje finansava-haspadarčaj dziejnaści.
Kali havorka idzie pra indyvidualnaha pradprymalnika, to pa im padatkovaja taksama prapanuje spahaniać padatak ź pieravyšeńnia vydatkaŭ nad dachodami, a ź pieršapačatkova atrymanaj vyručki. Praściej kažučy, kali ŭ čałavieka, jaki zarehistravany jak IP, vydatki za zapytany pieryjad pieravysiać dachody, to jaho paprosiać zapłacić padatak z atrymanaj vyručki.
U MPZ udakładniajuć, što niaznačnyja vypłačanyja padatki ad dziejnaści, pry hetym adsutnaść źniaćcia najaŭnych hrošaj z rachunku, a tolki bieznajaŭnaje raschodavańnie vyručki praciahły čas z boku IP i adnačasovaja kupla majomaści kažuć pra toje, što IP moža chavać dachody.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary