Asudzili ŭsich 59 zatrymanych na kancercie hurta «Raźbitaje serca pacana»
Asudzili ŭsich 59 zatrymanych na kancercie hurta «Raźbitaje Serca Pacana». 660 sutak i 13 050 rubloŭ na ŭsich, paviedamili pravaabaroncy.
Uviečary 13 lutaha na bazie adpačynku «Ohoniok» pad Smalavičami, dzie prachodziŭ kancert RSP («Raźbitaje serca pacana»), Ok-Band i śpiavački Lear, zatrymali 68 čałaviek. Za hetyja dni asudzili ŭsich 59 čałaviek, jakich dastavili ŭ žodzinski IČU da suda. Spravy razhladali sudździ Salihorska, Łahojska, Barysava i Žodzina.
Usie atrymali maksimalnaje pakarańnie: 15 sutak abo 30 bazavych. U vyniku 44 čałavieki buduć adbyvać 15-sutkavy aryšt, a 15 čałaviek byli aštrafavanyja na 30 bazavych (870 rubloŭ).
Byli zatrymany cełyja siemji. Naprykład, troje členaŭ siamji Hryharovičaŭ atrymali pa 15 sutak. Alaksiej i Darja Alaksiejevy sustrenucca tolki praz 15 dzion, jak i Taćciana i Ivan Kotavy. A ŭ siamji Piachotaŭ dźvie žančyny atrymali pa 30 bazavych, a dvoje mužčyn pa 15 sutak.
U vyniku kancert kaštavaŭ udzielnikam 660 sutak (1 hod i 8 miesiacaŭ) i 13 050 rubloŭ.
Kamientary