Eks-kandydat u prezidenty Biełarusi Śviatłana Cichanoŭskaja pryznała, što apazicyja «straciła vulicy». Intervju raźmiaściła na svaim sajcie ŭ piatnicu, 19 lutaha, šviejcarskaja štodzionnaja hazieta Le Temps.
— Ja pavinna pryznać, što my stracili vulicy, u nas niama mahčymaści zmahacca z hvałtam režymu suprać pratestoŭcaŭ — u ich jość zbroja, u ich jość siła, tak što tak, na ciapierašni momant zdajecca, što my prajhrali, — cytuje Cichanoŭskuju Tut.by.
Razam z tym jana pakazała, što ŭžo ciapier idzie pabudova struktur dla «zaŭtrašniaj baraćby». Jana dadała, što robiacca sproby źviazać pamiž saboj roznyja apazicyjnyja abjadnańni — na ŭzroŭni daktaroŭ, nastaŭnikaŭ, byłych siłavikoŭ.
— Naša stratehija ŭ tym, kab lepš arhanizavacca, padviarhać režym pastajannamu cisku — da taho času, pakul ludzi nie buduć hatovyja vyjści na vulicy znoŭ, mahčyma, viasnoj, — reziumavała eks-kandydat u prezidenty.
«Pavinna pryznacca, što časam baraćba stanovicca nastolki ciažkaj, cisk — nastolki mocnym, što nastupajuć momanty adčaju. Časam mnie zdajecca, što było b lepš viarnucca ŭ Biełaruś i chaj jany mianie tam aryštujuć, i tady mnie nie treba było b brać na siabie hetyja ciažkija abaviazki, zhadžacca na hetyja achviary, sprabavać vyrašyć prablemy, jakija zdajucca nievyrašalnymi. Tak, časam takoje byvaje. Ale tut ža razumieješ, što nie možaš heta zrabić, kali ty simvał, nacyjanalny lidar; što nie možaš uziać i kinuć usio heta. I ty zastaješsia adna na niekalki chvilin, kab papłakać», — skazała jana.
Śviatłana Cichanoŭskaja vykazała nadzieju na toje, što padčas svajho vizitu ŭ Šviejcaryju sustreniecca z novym staršynioj Fiederalnaj rady hetaj krainy Andreasam Ebi, a taksama ź viarchoŭnym kamisaram AAN pa pravach čałavieka Mišel Bačelet. Ź joj lidarka biełaruskaj apazicyi, u pryvatnaści, spadziajecca abmierkavać pierśpiektyvy «mižnarodnaha rasśledavańnia złačynstvaŭ, učynienych u krainie ŭ apošnija miesiacy».
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary